یاریگا –
شەوی رابردوو بەشێوەیەکی چاوەڕواننەکراو تاتا مارتینۆ رۆشتنی لە یانەی ئینتەر مەیامی راگەیاند کە تا ئێستا زانیارییەکان بۆ هۆکارێکی کەسیی دەگەڕێننەوە.
دوای کەمتر لە 24 کاتژمێر ناوی پاڵێوراوان بۆ وەرگرتنی پۆستی راهێنەرایەتیکردنی یانە ئەمریکیەکە پەیدابوونە و تێیاندا ناوی دیار و ناسراو هەن.
بەگوێرەی زانیارییەکانی رۆژنامەی مەیامی هێراڵدی ئەو وڵاتە، هەریەکە لە چاڤی هێرنادێز و خاڤیێر ماسکیرانۆ وەک دوو کاندیدی بەهێز دەرکەوتوون بۆ وەرگرتنی پۆستەکە.
رەنگە کارگێڕی مەیامی هیچ لارییەکی نەبێت لە دەستنیشانکردنی یەکێک لەو دووانە. کە جگە لە ئەزموونی کاری راهێنەرێتیان، هاوکات پێشتر بۆ ماوەیەکی زۆر هاوتیمی لیۆنێل مێسی بوونە.
بڕیارە رۆژی هەینی داهاتوو مارتینۆ لە راگەیاندنێکی فەرمیدا هۆکاری دەستلەکارکێشانەوەکەی ئاشکرابکات.
