یاریگا –
بارسێلۆنا مژدە بە هاندەرانی دەدات و وادەی گەڕانەوەی بۆ کامپ نو ئاشکرا دەکات.
بەشێوەیەکی فەرمی بارسێلۆنا رایگەیاند، لە ناوەڕاستی مانگی دووی ساڵی نوێ ماڵئاوایی لە یاریگای مۆنجویک دەکەن و بۆ یاریکردن دەگەڕێنەوە یاریگە مێژووییەکەی کامپ نو.
بارسێلۆنا ئاماژەی بەوەشکردووە، یارییەکانیان بەرامبەر ڤاڵێنسیا لە 26/1 و بەرامبەر ئاتاڵانتا لە 29/1 و بەرامبەر دیپۆرتیڤۆ ئالاڤێس لە 2/2 کۆتا سێ یاریی یانەکە دەبێت لە یاریگای مۆنجویک و دوای یارییەکەی ئالاڤێس هیچ یارییەکی دیکە لەو یاریگایە ناکەن.
🏟️ Spotify Camp Nou
— Som I Serem FCB (@Somhiseremfcb) November 19, 2024
کاتالۆنییەکان لە 16ـی مانگی شوبات بۆ کامپ نوو دەگەڕێنەوە و لە یەکەم یارییش لە کامپ نوی نوێ رووبەڕووی رایۆ ڤاییکانۆ دەبنەوە. بەڵام لەو رێکەوتە کارەکانی یاریگاکە بە یەکجاری کۆتایی نایەت و پێشبینی دەکرێت لە 2026 کارەکانی نۆژەنکردنەوەی کامپ نو کۆتاییان بێت.
یانە کاتالۆنییەکە لە 2023 دەستی بە نۆژەنکردنەوەی یاریگای کامپ نو کرد. لەوکاتەوە بارسا بەشێوەیەکی کاتی یارییەکانی خۆی لە یاریگای مۆنجویک دەکات. یاریگاکە لە بنەڕەتدا لە 1954 دەست بە دروستکرانی کراوە و لە 1957 کارەکانی کۆتایی هاتووە.
Camp Nou 🏟️ pic.twitter.com/nG5ja6Ts3r
— Blaugranation (@blaugranation_) November 20, 2024
