سێبایۆس ئیشی خۆی کرد؛ ئێستا نۆرەی ریال بێتیسە گرێبەستێکی شیاوی پێشکەش بکەن

یاریگا –

بۆ واژۆکردنی گرێبەست لەگەڵیدا، بێتیس داوای کرد کە دانی سێبایۆس ببێتە یاریزانێکی ئازاد تاوەکوو ناچار نەبن هیچ کرێیەکی گواستنەوە بدەن.

دانی سێبایۆس دەستبەرداریی کۆتا ساڵی پڕ لە دەستکەوتی دارایی گرێبەستەکەی لە ریال مەدرید دەبێت، بە پاداشتەکانیشەوە و دەبێتە یاریزانێکی ئازاد تاوەکوو بتوانێت خەونێک بەدی بهێنێت کە بۆ ماوەیەکی درێژ هەیبووە: گەڕانەوە بۆ بێتیس. جۆزێ مۆرینیۆ و رەتکردنەوەی مانەوەی یاریزانێکی دڵتەنگ رۆڵێکی سەرەکییان بینیوە.

دانی ئەرکی خۆی جێبەجێ کردووە. ئێستا پێویستە یانەکە گرێبەستێک بخاتە سەر مێزەکە کە لەگەڵ پێگەی ئەستێرەیی ئەودا بگونجێت، بەو واتایەی بیخاتە ریزی بەرزترین مووچەخۆرەکانی نێو تیمەکە کە چەندین مووچەی ئاستی چامپیۆنزلیگی تێدایە وەکوو مووچەکانی ئیسکۆ، ئانتۆنی و جیۆ لۆ سێلسۆ.

سێبایۆس مووچەیەکی کەمتر لەوەی لە مەدرید دەستی دەکەوت وەردەگرێت، بەڵام قەرەبووی ئەوە دەکاتەوە بە گەڕانەوە چاوەڕوانکراوەکەی بۆ ماڵەوە و بەگوێرەی پێشبینییەکان، خولەکی زۆر زیاتر لەنێو یاریگا. کوالێتیی ئەو لە دەرەوەی گومانە، لەنێو ئەو هاندەرانەشدا کە پێشتر رایان دابەشبوو لەسەر گەڕانەوەی بەڵام ئێستا تاوەکوو رادەیەکی زۆر بەجۆشن بۆ گەڕانەوەی. یاریزانێکی ئاستبەرز بۆ یانەیەک کە دوای 21 ساڵ دەگەڕێتەوە بۆ گەورەترین پاڵەوانییەتیی ئەورووپا.

لە هێلیۆپۆلیس هێشتا گومان هەبوون، کە زۆربەیان بێبنەما بوون. پێش سێ ساڵ ئەگەرێکی راستەقینە هەبوو کە دانی بگەڕێتەوە بۆ بێتیس کاتێک گرێبەستەکەی لە ریال مەدرید بەرەو کۆتایی دەچوو. لە کۆتاییدا، کاتێک مانگی حوزەیران بەرەو کۆتایی دەچوو، یاریزانەکەی هێڵی ناوەڕاست بڕیاریدا گرێبەستەکەی لە سانتیاگۆ بێرنابیۆ نوێ بکاتەوە و هەندێک کەس، تەنانەت لەنێو بێتیسیشدا، هێشتا لێی خۆش نەبوون بەهۆی ئەوەوە. بەڵام سەرکەوتنی وەرزشیی یانەکە بێگومان گرنگترە لە رق و کینە. سێبایۆسیش بەبێ گومان خاوەنی کوالێتی و تموحێکی وەرزشیی بەهێزە دەکات.

تەنانەت بەبێ ئەوەی بگاتە تەمەنی 30 ساڵی (لە مانگی ئابدا دەگاتە ئەو تەمەنە)، یاریزانەکەی هێڵی ناوەڕاست هێشتا شتی زۆری هەیە بۆ پێشکەشکردن لە تۆپی پێی پیشەگەردا. زۆر یارینەکردنی لە ماوەی دوو ساڵی رابردوودا پێویستە یارمەتیدەر بێت لە درێژکردنەوەی کاروانی وەرزشیی ئەو.

زۆرێک لە هاندەرانی بێتیس بەجۆشن بۆ ئەگەری واژۆکردنی گرێبەست لەگەڵ کەسێکدا کە بتوانێت ببێتە ئیسکۆیەکی نوێ، یاریزانێک کە توانای هەبێت تیمەکە بباتە ئاستێکی دیکە. بە تایبەتی ئێستا کە ئاستی داهاتووی یاریزانە لەدایکبووەکەی مالاگا، دوای ئەو هەموو پێکانە و لە تەمەنی 34 ساڵیدا، بە تەواوی وەکوو نەزانراوێک دەمێنێتەوە.