پاریس سانجێرمان 100 ملیۆن یۆرۆ بۆ یاریزانێکی بارسێلۆنا ئامادە دەکات

یاریگا –

پاریس سانجێرمان ئامادەکاری بۆ گواستنەوەی ئەستێرەیەکی بارسێلۆنا دەکات.

تۆڕی فیچاخێس بڵاویکردووەتەوە، پاریس سانجێرمان ئۆفەرێکی بەبڕی 100 ملیۆن یۆرۆ بۆ گواستنەوەی ژووڵس کۆندێ، بەرگریکاری بارسا ئامادەکردووە.

کۆندێ پێشتر ناوی بە لیڤەرپوول بەسترابووەوە، ئێستا یەکێکە لە یاریزانە چالاکەکانی هانزی فلیک و لەڕووی بەرگری و هێرشبردنەوە، ئاستی بەرەوپێشچووە.

لویس ئێنریکێ، راهێنەری سانجێرمان زۆر بە کۆندێ سەرسامە و دەیەوێت لە پڕۆژەی داهاتووی جێی بکاتەوە.

بەهۆی ناڕوونی داهاتووی یاریزانان ئەشڕەف حەکیمی، نونۆ مێندێس و ویلیام پاچۆ لە قەڵای پارک دۆ پرێنس، ئێنریکێ دەیەوێت کۆندێ بگوازێتەوە.

گرێبەستی ئێستای کۆندێ لە هاوینی ساڵی 2027 لە بارسا بەسەردەچێت، بەڵام یانە کاتالوونییەکە ئامادەنابێت، بە ئاسانی رێگە بەچوونە دەرەوەی بدات.

بارسێلۆنا کێشەی دارایی بە تەواوی چارەسەر نەکردووە، بۆیە 100 ملیۆن یۆرۆ دەبێتە پاڵنەرێکی گەورە بۆ خوان لاپۆرتا، تاوەکو بەشێکی زۆر لە کێشەکانی چارەسەر بکات.