سێ یانەی گەورە گرنگی بە گواستنەوەی ئەشرەف حەكیمی دەدەن
لە نێویاندا ریال مەدرید...
یاریگا –
ئەشرەف حەكیمی، ئەستێرەی مەغریبی یانەی پاریس سانجێرمانی فەڕەنسی لە لایەن سێ یانەی زلهێزی جیهانەوە گرنگی پێدەدرێت.
ئەشرەف حەكیمی لە هاوینی ساڵی 2021لە ریزەكانی ئینتەر میلانەوە بە بەهای 68 ملیۆن یۆرۆ پەیوەندی بە ریزەكانی پاریس سانجێرمانەوە كرد.
گرێبەستەكەی ئەستێرە 26 ساڵانەكە لەگەڵ پاریس سانجێرمان لە هاوینی ساڵی 2026 بەسەردەچێت.
🚨 Liverpool, Manchester City and Real Madrid have all expressed interest in signing Achraf Hakimi from PSG.
(Source: Fichajes) pic.twitter.com/29gW3shcAU
— Transfer News Live (@DeadlineDayLive) October 31, 2024
بە گوێرەی زانیارییەكانی تۆڕی fichajes ئەشرەف حەكیمی لەلایەن سێ یانەوە گرنگی پێدەدرێت.
ئاماژە بەوەشكراوە، یانەكان بریتین لە، ریال مەدرید، مانچێستەر سیتی و لیڤەرپوول.
مانچێستەر سیتی دەیەوێت بۆ شوێنگرتنەوەی كایڵ وۆلكەر كە گرێبەستەكەی لە ساڵی 2026 بەسەردەچێت حەكیمی بگوازێتەوە.
لە لیڤەرپوولیش بەهۆی دڵنیانەبوون لە مانەوەی ترێنت ئالێكساندەر ئارنۆڵد هەوڵی گواستنەوەی حەكیمی دەدەن.
هەرچی ریال مەدریدیشە دەیەوێت تواناكانی یاریزانەكەی پێشووی بۆ ریزەكانی بگەڕێنێتەوە.
