ئیتاڵیا
فەرمی: یارییەکەی میلان و بۆلۆنیا دواخرا
یەکێتی تۆپی پێی ئیتاڵیا رایگەیاند یاری نێوان ئەیسی میلان و بۆلۆنیا بۆ کاتێکی نادیار دواخرا.
وابڕیار بوو رۆژی شەممە، ئەیسی میلان ببێتە میوانی بۆلۆنیا، بەڵام شاری بۆلۆنیا رووبەرووی زریانێکی بەهێز بووەتەوە و لافاو بەشێکی زۆری شارەکەی تەنیووە.
دواخستنەکە لەسەر داوای شارەوانی شارەکە بووە لەپێناو سەلامەتی یاریزانان و هاندەران، ئەمە جگە لە گرفتی رێگاوبان لە ئێستادا.
بۆلۆنیا سەرەڕای ئەوەی لە خولی پاڵەوانەکانی ئەورووپا بەشدارە، لەم وەرزەدا دوای رۆیشتنی تیاگۆ مۆتای راهێنەر، نەیتوانیووە بەهەمان ئاستەوە بەردەوام بێت و لە هەشت یاریدا تەنها نۆ خاڵی کۆکردووەتەوە. هەرچی ئەیسی میلانە بە 14 خاڵ لە پلەی چوارەم دایە.
