فلیک دوای بردنه‌وه له بایرن هه‌ڕه‌شه له ریال مه‌درید ده‌كات
یاریگا –
هانزی فلیکی راهێنەری بارسێڵۆنا رایگەیاند، سەرکەوتنە گەورەکەی به‌رامبه‌ر بایرن میونشن بە ئەنجامی 4-1 لە چامپیۆنزلیگدا،پێش ئەوەی رۆژی شه‌ممه له كلاسیكۆ به‌رامبه‌ر ریاڵ مەدرید یاریی بكه‌ین مۆڕاڵی تیپەکە بەرز دەکاتەوە.
فلیک، راهێنەری پێشووی بایرن دوای یارییه‌كه گوتی،دڵخۆشم بە یارمەتیدانی بارسێڵۆنا بۆ بەدەستهێنانی یەکەم سەرکەوتن به‌رامبه‌ر بایرن لە ماوەی نزیکەی دە ساڵی رابردوودا، كە گەورەترین تاقیکردنەوەبوو تیپه‌كه‌مان له‌م وه‌رزه رووبەڕووی بووه‌وه، هەروەها یانه‌كه‌مان ئامادەیە رووبه‌رووی ریال مه‌درید ببێته‌وه له یاریگای سانتاگۆ بێرنابیۆ.
😁Flick: “Esto es La Masia”
🤔“Si alguien hubiera visto a Casadó no hubiese pensado que era jugador del Barça B”, declaró el técnico alemán en Movistar después de tumbar al Bayern antes del Clásico
✍️ @sergidejuan9 https://t.co/gYyUPUyi5x— Diario AS (@diarioas) October 23, 2024
فلیک بە رۆژنامەنووسانی راگەیاند، ئەم بردنەوەیە باوەڕپێنەکراوە، بایرن تیپێکی گەورەیە، یاریزانی گەورە لەخۆدەگرێت لە یاریکردندا زۆر باشن، بێگومان ئەگەر لەم جۆرە یارییانەدا ببەیتەوە پێویستە ئاهەنگ بگێڕیت… ئەمە بردنەوە متمانەمان پێدەبەخشێت بۆ ئەوەی باوەڕمان بە تواناکانمان هەبێت پێش كلاسیكۆ.
راهێنه‌ره‌كه‌ی بارسێلۆنا گوتیشی، بەو ئاستە به‌رزه‌ی کە تیپەکە پێشکەش دەکات، دەتوانیت شتی گەورە بەدەستبهێنیت، ئێمە بوێرییەکی زۆرمان نیشاندا، هەر بۆیەش زۆر دڵخۆشم تیپەکە دەیەوێت فێربێت، ئێمەش لەو شتانە فێر دەبین کە باش نەبووین.
زیاتر گوتی، ئێمە پێش یاریی لوتکە رۆژێك کەمتر لە ریال مەدرید پشوو وه‌رده‌گرین، بەڵام هەموو یاریزانەکان دەیانەوێت ئەم یارییە بكه‌ن و باشترین ئاستی خۆیان نیشان بده‌ن، ئێمە ئامادەکارییەکی باش و ته‌واو بۆ یارییه‌كه دەکەین.
🔵🔴 Hansi Flick: “I have never had a player like Raphinha in any of my teams. He gives his all”.
“Raphinha puts his heart into it. With and without the ball, he is very good, he always starts the pressing, finishes our chances. He is always smiling”. pic.twitter.com/kQfLK09LPY
— Fabrizio Romano (@FabrizioRomano) October 23, 2024
له كۆتاییدا فلیک ستایشی رافینای هێرشبەری بەڕازیلی کردوو گوتی، نەک تەنها بەهۆی تۆمارکردنی گۆڵ، بەڵکو بەهۆی ئەو رۆحیه‌ته سەرکردایەتییەی کە نیشانیدا زۆر له ئاستی رازیبووم، بە عەقڵیەتی دروستەوەیە لە مەشق و راهێنانەکان و لە یارییەکاندا، ده‌رده‌كه‌وێت ئەو بۆ ئێمە زۆر گرنگە.
