رووداوێکی مێژوویی؛ کاتی بەڕێوەچوونی جامی سوپەری کەنداو لە دهۆک ئاشکرا دەکرێت

یاریگا –

بۆ یەکەمجار لە مێژوودا جامی سوپەری کەنداو لە کوردستان و لە شاری دهۆک بەڕێوەدەچێت.

عەبدوڵڵا جەلال، سەرۆکی یانەی دهۆک بەشێوەیەکی فەرمی رایگەیاند بۆ یەکەمجار لە مێژوودا یاریی جامی سوپەری کەنداو لە نێوان هەردوو یانەی دهۆک و یانەی رەیانی قەتەری لە یاریگای دهۆک بەڕێوەدەچێت.

هاوکات فیدراسیۆنی تۆپی پێی کەنداو بەشێوەیەکی فەرمی راگەیاند یارییەکەی نێوان دهۆک و رەیان لە 13ـی ئابی 2026 بەڕێوەدەچێت.

فیدراسیۆنی تۆپی پێی کەنداو ئاماژەی بەوەش کردووە، دهۆک وەکوو پاڵەوانی یەکەم وەشانی خولی یانە پاڵەوانەکانی کەنداو و رەیانی قەتەریش وەکوو پاڵەوانی دووەم وەشانی خولی یانە پاڵەوانەکانی کەنداو، لە جامی سوپەر و لە یاریگای دهۆک رووبەڕوودەبنەوە.

أعلن اتحاد كأس الخليج العربي لكرة القدم إقامة كأس السوبر الخليجي 2026 بين نادي دهوك العراقي، بطل النسخة الأولى من دوري أبطال الخليج للأندية، ونادي الريان القطري، بطل النسخة الثانية، وذلك يوم 13 أغسطس على استاد دهوك. pic.twitter.com/wpipnYKe7b

— اتحاد كأس الخليج لكرة القدم (@AGCFF) June 25, 2026