یاریگا –
ریاڵ مەدرید پلانەکانی خۆیان بۆ بازاڕی گواستنەوەکانیان دەگۆڕن و ئامادەکاریی دەکەن ئامانجەکانیان زووتر لەو وادەیە بگوازنەوە کە پێشتر پلانیان بۆ دانابوو.
گواستنەوەی دڵی بەرگری لە دیاترین هەنگاوە لەپێشینەکان بوو بۆ یانە شاهانەکە کە هاوینی داهاتوو بە هەرجۆرێک بووە گواستنەوەیەک بۆ ئەو پێگەیە ئەنجامبدەن، بۆ ئەو مەبەستەش چەند ئەستێرەیەکی دیاری ئەوروپایان دەستنیشانکردبوو. لەوانە؛ ویلیام سالیبای ئارسیناڵ، کریستیان رۆمێرۆ لە تۆتنهام و جۆناسان تا لە بایەر لیڤەرکۆزن.
بەگوێرەی نوێترین زانیاریی ماتێ مۆرێتۆ لە رۆژنامەی رێلیڤۆی ئیسپانی، ریاڵ پلانەکانی پێشخستووە بۆ گواستنەوەی دڵێکی بەرگری لە بازاڕی زستانە لەبری هاوینە.
🚨 Real Madrid are scouring the market for options at centre-back.
They are weighing up making the signing in January instead of the summer.
(Source: @MatteMoretto) pic.twitter.com/UZWKHzF23o
— Transfer News Live (@DeadlineDayLive) October 12, 2024
هێشتا دیار نییە لەو بەربژێرانەی کە مێرەنگی بیری لێکردوونەتەوە کامیان لەم زستانەدا راودەکەن، بەڵام دوایین دەنگۆ باس لەوە دەکرا یانە مەدریدیەکە سالیبای فەڕەنسیان دەوێ بە هەر نرخێک گەنەرز بیخاتە سەر مێزی گفتوگۆ.
لە سەرەتای کردنەوەی وەرزەکەوە ریاڵ لە خولی ئیسپانی و چامپیۆنزلیگ 11 یاریی ئەنجامداوە 8 گۆڵی لێکراوە.
