یاریگا –
تیبۆ کۆرتوای بەلجیکی بەشداری مەشقەکانی ئەمڕۆی ریال مەدریدی کردووە.
بەشێوەیەکی فەرمی کۆرتوای گۆڵپارێزی ریال مەدرید گەڕایەوە مەشقە بە کۆمەڵەکانی یانەکەی و ئەمڕۆ بەشێوەیەکی ئاسایی لەسەر چیمەنی یاریگا مەشقی کردووە.
بەگوێرەی زانیارییەکانی رۆژنامەی ئاس، چاکبوونەوەی کۆرتوا لە پێکانەکەی لەسەر رێڕەوێکی دروست دەڕوات، تیبۆ بۆ یارییەکەی سێڵتا ڤیگۆ لە 19ـی ئەم مانگە دەگەڕێتەوە و بەرامبەر بۆڕووسیا دۆرتموند و بارسێلۆناش بەبێ گرفت یاریی دەکات.
کۆرتوا لە دێربی مەدرید تووشی پێکان بوو، بەو هۆیە لە دوو یاریی رابردووی یانەکەی بەرامبەر لیل لە چامپیۆنزلیگ و بەرامبەر ڤیاریال لە گەڕی نۆیەمی لالیگا بەشداری نەکرد.
ریال مەدرید لە گەڕی دەیەمی لالیگا دەبێتە میوانی سێڵتا ڤیگۆ، هەر لە 22ـی ئەم مانگە لە چامپیۆنزلیگ میوانداری بۆڕووسیا دۆرتموند دەکات، چوار رۆژ دواتر و لە یارییەکانی گەڕی یازدەی لالیگا میوانداری بارسێلۆنای رکابەری دەکات.
🚨 JUST IN: Thibaut Courtois is recovering well from his injury.
He is expected to play against Celta Vigo, Dortmund and Barcelona. @diarioas pic.twitter.com/bjDcQ4BUn6
— Madrid Zone (@theMadridZone) October 9, 2024
