یاریگا –
دەنیز ئونداڤ، ئەستێرەی کوردی شتوتگارت، دوو گۆڵی لە یاریی رابردووی یانەکەی بەرامبەر بۆڕووسیا دۆرتموند کرد، لەو یارییەی 5-1 تەواوبوو.
شتوتگارت پلەی دووەمی ریزبەندی بۆندسلیگای وەرزی رابردووی بەدەستهێنا، لە یەکەم تاقیکردنەوەی گەورەی ئەم وەرزە، دۆرتموندی گۆڵباران کرد.
ئونداڤ لە دوای یارییەکە گوتی
کاتێک 5-1 لە دۆرتموند دەبەیتەوە، دوای پێشکەشکردنی ئاستێکی لەمشێوەیە، بەڕاستی هیچ شتێک لەمە باشتر نییە. زۆر دڵخۆشم و دەبێ لەسەر ئەم رێچکەیە بەردەوام بین.
سێباستیان هۆنێس، راهێنەری شتوتگارت لە دوای یارییەکە روونیکردەوە
ویستمان زۆر بە ئاگاییەوە یاریی بکەین، توانیمان بەباشی کۆنتڕۆڵی یارییەکە بکەین و ئاستێکی ناوازەمان پێشکەشکرد. شایەنی بردنەوە بووین، ستایشێکی تایبەت بۆ هەموو یاریزانان.
شتوتگارت لە پلەی حەفتەمی ریزبەندی بۆندسلیگادا دێت، شەممە رووبەڕووی فۆڵفسبورگ دەبنەوە.
