راهێنەری مۆناكۆ باس لە راگرتنی لامین یامال دەكات
یاریگا –
ئادی هوتەر، راهێنەری یانەی مۆناكۆی فەڕەنسی باس لە شێوازی راگرتنی لامین یامال ئەستێرەی ئیسپانی یانەی بارسێلۆنا دەكات.
وا بڕیارە ئەمڕۆ پێنجشەممە كاتژمێر 22:00 بە كاتی كوردستان مۆناكۆ لە یاریگای تایبەت بە خۆی میوانداری بارسێلۆنا بكات، لە میانی یارییەكانی گەڕی یەكەمی چامپیۆنزلیگ.
𝐌𝐀𝐓𝐂𝐇𝐃𝐀𝐘 ⚔️
L’AS Monaco fait son grand retour en 𝗖𝗵𝗮𝗺𝗽𝗶𝗼𝗻𝘀 𝗟𝗲𝗮𝗴𝘂𝗲 💫
🆚 @FCBarcelona
🏟 Stade Louis-II
🕘 21h
📺 @CanalplusFoot
📲 #ASMFCB𝗗𝗮𝗴𝗵𝗲 𝗠𝘂𝗻𝗲𝗴𝘂 🇲🇨 pic.twitter.com/0ljTlFkFZK
— AS Monaco 🇲🇨 (@AS_Monaco) September 19, 2024
ئادی هوتەر لە لێدوانەكانی پێش یارییەكەدا گوتی:
كاتێك گوێت لە سروودی چامپیۆنزلیگ دەبێت، هەمووان بۆ یاریكردن بە پەرۆش دەبن، بەتایبەت ئەگەر بەرامبەر بارسێلۆنا و لە یاریگای خۆتدا بێت، ئێمە ئامادەین.
هیچ جیاوازییەكمان لەگەڵ بارسێلۆنادا نییە، ئەوان لیڤاندۆڤسكی و یاریزانی لاویان هەیە، ئێمەش دێنیس زەكەریا و مینامینۆ و یاریزانی بە ئەزموونمان هەیە.
دەربارەی لامین یامال گوتی:
تەنانەت ئەگەر لامین یامال لە یارییەكە دەربهێنین، یاریزانی دیكە زۆرن، دەبێت بزانین وەك تیم چۆن بەرگری بكەین و ئەوەش دەكەین.
لە وەشانی نوێی چامپیۆنزلیگدا مۆناكۆ جیا لە بارسێلۆنا رووبەڕووی یانەكانی دینامۆ زاگریب، كرڤێنا زڤێزدا، بۆڵۆنیا، بێنفیكا، ئارسیناڵ،ئاستۆن ڤیلا و ئارسیناڵ دەبێتەوە.
