بارسێلۆنا لە گواستنەوەی یاریزانێکی دیکەش شکستیهێنا
بارسا ناتوانێت هەنگاوی گەورە بنێت
یاریگا –
لیڤەرپوول و رێد بوڵ سالزبورگ لەسەر گواستنەوەی ستێفان بایجێتیچ رێککەوتن و هەوڵەکانی بارسێلۆنا شکستیانهێنا.
تۆڕی ئاتلێتیک بڵاویکردووەتەوە، دوای پێکانەکەی مارک بێرناڵ لە یاریی رابردووی بارسا بەرامبەر رایۆ ڤاییکانۆ، بارسا هەوڵی گواستنەوەی بایجێتیچی دەستپێکرد.
فابریزیۆ رۆمانۆ، رۆژنامەنووسی دیاری مێرکاتۆ ئاشکرای دەکات، بارسا بەهۆی کێشەی پابەندبوون بە رێساکانی یاریی خاوێن، نەیتوانی بایجێتیچ بگوازێتەوە، بۆیە ستێفان ئەمڕۆ لە نەمسا گرێبەستێک بە خواستن واژۆ دەکات و وەرزی داهاتوو دەگەڕێتەوە لیڤەرپوول.
🚨🔴 Barcelona currently can’t proceed with Stefan Bajcetić deal due to issues with Financial Fair Play.
Salzburg expect Stefan to travel on Thursday to complete loan move from #LFC revealed two days ago.
If nothing changes on Thursday morning, Salzburg hope to get it done. pic.twitter.com/2dl6d97y4d
— Fabrizio Romano (@FabrizioRomano) August 28, 2024
بایجێتیچ لە ساڵی 2020 لە سێلتا ڤیگۆوە پەیوەندی بە لیڤەرپوول کرد، لە وەرزی 2022-23 لە پێکهاتەی یەکەمی یانەکە بەدیکرا، بەڵام بەهۆی پێکان تەنیا بەشداری لە سێ یاریدا کرد.
بایجێتیچ یاریی بۆ تیمەکانی ژێر 18 و 21 ساڵانی ئیسپانیا کردووە، ئەستێرە سڕبییەکە ئەم وەرزە لەگەڵ پێپ لیندەرس، یاریدەدەری پێشووی یۆرگن کڵۆپ لە لیڤەرپوول کار دەکات.
لەوانەیە بایجێتیچ بەشداری لە یاریی داهاتووی یانەکەی بەرامبەر راپید ڤیەننا نەکات و دواتریش یارییەکانی خولی نەمسا تاوەکو 14ی سێپتێمبەر/ئەیلوول بەهۆی یارییەکانی نێودەوڵەتییەوە رادەوەستێت.
