سبەی ئایکۆنێکی پۆرتوگالی پەیوەندی بە ئاتاڵانتاوە دەکات
یاریگا –
یانەی ئاتاڵانتا تینوێتی برسێتی نەشکاوە لە گواستنەوەی یاریزان و سبەینێش ئایکۆنێکی پۆرتوگالی دەباتە ریزەکانیەوە.
یانە ئیتاڵییەکە لەم هاوینەدا بە لێشاو گرێبەستی کردووە و تا داخستنی بازاڕەکەش رەنگە زیاتر ئەنجام بدات. ئەوە لە کاتێکدا هەفتەی رابردووش راول بێلانۆڤای خستە سەر ئەو لیستەی پێشتر گواستبوونیەوە.
وەردەکاریی گواستنەوەکانی ئاتاڵانتا لەم بابەتەی خواروەدا بخوێنەوە:
ئاتاڵانتا حەوتەم یاریزانی گواستەوە و لووکمانیش داوایەک لە یانەکەی دەکات
بەگوێرەی زانیارییەکانی فابریزۆ رۆمانۆ کە ئەمشەو بڵاویکردەوە، سبەی دووشەممە روی پاتریسۆ پشکنینە پزیشکیەکانی لەگەڵ ئاتاڵانتا ئەنجام دەدات و دەبێتە یاریزانی ئەو یانەیە.
⚫️🔵🇵🇹 Rui Patricio will undergo medical as new Atalanta player on Monday.
Contract until June 2025 agreed for the Portuguese GK, joining as free agent. pic.twitter.com/ItKMy1nty7
— Fabrizio Romano (@FabrizioRomano) August 25, 2024
گواستنەوەکە تەنها تا هاوینی 2025 دەخایەنێت و پاتریسۆ وەک یاریزانی ئازاد دەچێتە ئاتاڵانتا.
گۆڵپارێزە تەمەن 36 ساڵانەکە ئایکۆنێکی دیاری پۆرتوگالە و ماوە 18 ساڵە وەک پیشەگەر لە ئەورووپا یاری دەکات کە سەرەتاکەی دەگەڕێتەوە بۆ ساڵی 2006 لەگەڵ سپۆرتینگی وڵاتەکەی و تا 2018 لەوێ مایەوە پێش ئەوەی رووبکاتە وڵڤرهامپتنی ئینگلیزی و پاشان رۆمای ئیتاڵی.
ناوبراو لە ساڵی 2010 درێسی هەڵبژاردەی پۆرتوگالی پۆشی و لەو نەوەیەیە کە جامی یۆرۆی 2016یان بەدەستهێنا.
