یاریگا –
ئێریک تێن هاخ لە لێدوانێکی نوێیدا پێش یارییەکەیان بەرانبەر برایتن، هیچ گەرەنتیەک لە قسەکانیدا نەبوو بۆ هێشتنەوەی جەیدن سانچۆ لە پێکهاتەکەیدا بەشێوەی سەرەکی.
ئەستێرە ئینگلیزیەکە لەوەتەی تەقینەوەی کێشەکانی لەگەڵ تێن هاخ لە وەرزی رابردوو کە دواجار بە خواستن روویکردە دۆرتمۆند، هیچ یارییەکی پرێمەلیگی ئەنجام نەداوەتەوە. لە یەکەم یاری ئەم وەرزەیش بەرانبەر فوڵهام بەشداریپێنەکرا کاتێک مان یو 1-0 براوەبوو. ئەوە ئەگەرچی لە یارییە دۆستانە ئامادەکارییەکانی ئامەدەگیی هەبوو.
لە لێدوانەکەیدا تێن هاخ خۆی بەدوورگرت لە هەر دڵنیاییەکی راستەوخۆ و وتی
ناتوانی هەموو یاریزانەکان هەڵبژیری، بەڵام بەدرێژایی وەرزەکە هەموویانت دەوێ. پێویستە رابێین. هەڵوێستی یاریزانەکان گرنگن، هەندێ جار نائومێد دەبن بەڵام دەبێ لەگەڵیدا رابێن.
ئەو قسانەی تێن هاخ لەکاتێکدایە دەنگۆی هاتنەپێشەوەی پاریس سان جێرمان لە سانچۆ پەرەیسەندووە.
🚨 Erik ten Hag on Jadon Sancho back available: “You can’t select all the players but you need them all throughout the season”.
“The attitude of the players is very important. Sometimes they'll be disappointed, they have to deal with it”. pic.twitter.com/lyCcRuCmWb
— Fabrizio Romano (@FabrizioRomano) August 22, 2024
دوێنێش بوو هەواڵی ئەوە بڵاوکرایەوە کە چێڵسی لە کۆتا ساتەکاندا جەیدن دەباتە ستامفۆردبریج.
ئەستێرە ئینگلیزیەکە بە بەهای 73 ملیۆن پاوەند (85 ملیۆن یۆرۆ) هاوینی 2021 لە دۆرتمۆندەوە گواسترایەوە ریزەکانی مانچێستەر لە سەردەمی ئۆڵی گونار سۆڵشایەر. بە هاتنی ئێریک تێن هاخ بۆ شوێنی راهێنەرە نەرویجیەکە، سەرەتای ئاوابوونی خۆری سانچۆ دەستیپێکرد.
