مۆراتا: ناپاکیم لەگەڵ هاوژینەکەم نەکردووە و ئەمە هۆکاری جیابوونەوەمانە
ئەلڤارۆ مۆراتا هۆکاری جیابوونەوەی لە هاوژینەکەی ئاشکرا دەکات و سوێند دەخوات کە ناپاک نەبووە لەگەڵیدا.
جیابوونەوەی مۆراتا لە هاوژینەکەی کاردانەوەی زۆری بەدوای خۆیدا هێنا بەهۆی ئەو خۆشەویستییەی زۆرەی لە نێوانیان دابوو. مۆراتا بۆ گازیتا دیلۆ سپۆرت سەبارەت بەو باسە وتی
من تێکشکاوم بەو رووداوە بەڵام سوێند دەخۆم ناپاکیم لەگەڵ نەکردووە، ئەو گرنگترین ئافرەتی ژیانی منە. ئالیس نەیدەویست جارێکیتر ماڵ بگوازێتەوە و دەیویست لە ئیسپانیا بمێنیتەوە. سەرەڕای جیاوازی بیرکردنەوەمان، هێشتا پەیوەندییەکی زۆر بەهێز لە نێوانماندا هەیە لە پێناو منداڵەکانمان.
مۆراتا هاوینی ئەمساڵ دووبارە وڵاتەکەی جێهێشت و گەڕایەوە ئیتاڵیا کاتێک بەرامبەر بە 13 ملیۆن یۆرۆ لە ئەتڵەتیکۆوە گوێزرایەوە میلان. لە یەکەم یاری فەرمیشدا توانی گۆڵێک تۆماربکات لەویارییەی 2-2 لەگەڵ تۆرینۆ بەرامبەربوون.
