ناپۆلی لە گواستنەوەی هێرشبەرێک نزیکدەبێتەوە
یاریگا –
ناپۆلی ئیتالی لە گواستنەوەی رۆمێلو لوکاکوی بەلجیکی نزیکدەبێتەوە.
رۆژنامەنووسی ئیتالی فابریزیۆ رۆمانۆ بڵاویکردووەتەوە، ناپۆلی لە گواستنەوەی لوکاکوی هێرشبەری چێڵسی نزیکبووەتەوە و ئۆفەرێکی فەرمی بۆ گواستنەوەی یاریزانەکە پێشکەش کردووە.
چێڵسی چاوی لەسەر ڤیکتۆر ئۆسیمینی هێرشبەری ناپۆلییە، بەڵام دەیەوێت سەرەتا لوکاکو بفرۆشێت، ئەوکات هەنگاوەکانی بۆ گواستنەوەی هێرشبەرە نایجیرییەکە دەستپێدەکات.
🚨🔵 Understand Romelu Lukaku and Napoli are getting closer. Official bid on the table.
Club to club talks now into key stages as Chelsea decision is clear: Lukaku and Osimhen, SEPARATE topics.
Full focus on selling Lukaku, then Osimhen story eventually for final days. pic.twitter.com/vLnXKQaPIT
— Fabrizio Romano (@FabrizioRomano) August 19, 2024
هەفتەی رابردوو نوێنەرانی هەردوو یانە کۆبوونەوە، چێڵسی گفتوگۆی گواستنەوەی ئۆسیمینی لەگەڵ ئیتالییەکان کردووە، نوێنەرانی ئانتۆنیۆ کۆنوتیش هەوڵەکانیان بۆ گواستنەوەی هێرشبەرە بەلجیکییەکە دەستپێکردووە.
پێشبینی دەکرێت هەر کۆتا رۆژکانی مێرکاتۆی هاوینە، ڤیکتۆر ئۆسیمین گەشتی لەندەن بکات، لوکاکوش بە ئانتۆنیۆ کۆنتی شادبێتەوە.
دوێنێ شەممە ناپۆلی لە یاریی دەستپێکی وەرزی نوێی سێریا ئەی 3-0 بە هیلاس ڤیرۆنا دۆڕا، ئەمەش هەر لە سەرەتاوە فشارێکی زۆری خستووەتە سەر یانەکە، بۆیە دەیانەوێت گواستنەوەی رۆمێلو خێراتر بکەن.
