ئەستێرەیەکی هۆڵەندی وازهێنانی راگەیاند

یاریگا –

دالێی بلیندی هۆڵەندی وازهێنانی لە یاریی نێودەوڵەتی بەشێوەیەکی یەکجاری راگەیاند.

کەمێک لەمەوبەر بلید لە هەژماری فەرمی خۆی لە پلاتفۆڕمی ئێکس پەیامێکی بڵاوکردووەتەوە و وازهێنانی لە یاریکردن بۆ هەڵبژاردەی وڵاتەکەی راگەیاندووە.

شەرەفێکی گەورەیە بۆم کە لە 108 یاریی جیاواز درێسی هۆڵەندام پۆشیووە، بۆمن وەک یاریزان نوێنەرایەتیکردنی وڵاتەکەت گەورەترین دەستکەوتە. یازدە ساڵە هەمووهەوڵێکم لەپێناو پۆشینی درێسە قەشەنگە پرتەقاڵییەکەمان داوە. ساتی زۆر جوانی پێبەخشیووم. نەوەیەکی بەتوانا بەڕێوەیە، دوای گفتوگۆکردن لەگەڵ راهێنەری هەڵبژاردەکەمان گەیشتمە ئەو بڕوایەی کاتی ئەوەیە سەرنجی تەواو بخەمە سەر یانە و خێزانەکەم. دووپاتی دەکەمەوە یاریکردن بۆ وڵاتەکەم شەرەفێکی گەورەبوو، سوپاس بۆ راهێنەران، ستافی هەڵبژاردەکە، سەرجەم هاندەران و یاریزانانی هاوڕێشم. بیرتان دەکەم. سوپاس بۆ هەمووتان.

بلیندی تەمەن 34 ساڵان بە درێسی هەڵبژاردەی هۆڵەندا بەشداری 108 یاریی کردووە، 3 گۆڵی کردووە و 15 گۆڵیشی دروستکردووە.

Het was een eer om het Oranje-shirt 108 keer aan te mogen trekken, voor mij is dat het hoogst haalbare als speler: je land vertegenwoordigen. Elf jaar lang heb ik er alles aan gedaan om dat prachtige Oranje-shirt aan te mogen blijven trekken. Het heeft mij zoveel gebracht, zoveel… pic.twitter.com/bTnVJRyApb

— Daley Blind (@BlindDaley) August 14, 2024