یاریگا –
وا بڕیارە ئەمڕۆ چوارشەممە كاتژمێر 22:00 بە كاتی كوردستان هەردوو یانەی ریال مەدرید و ئاتاڵانتا رووبەرووی یەك ببنەوە، لە میانی یاری جامی سوپەری ئەوروپا.
ریال مەدرید وەك پاڵەوانی خولی یانە پاڵەوانەكانی ئەوروپا و ئاتاڵانتاش وەك پاڵەوانی یۆرۆپالیگ بەشداری جامی سوپەری ئەوروپا دەكەن.
Faccia a faccia con i 𝐵𝑙𝑎𝑛𝑐𝑜𝑠 🤜🤛
Face to face with @realmadrid 😤#RealMadridAtalanta #SuperCup #GoAtalantaGo ⚫️🔵 pic.twitter.com/R5WboC2o4z
— Atalanta B.C. (@Atalanta_BC) August 14, 2024
خەڵاتە داراییەكانی جامی سوپەری ئەوروپا:
بە گوێرەی زانیارییەكانی رۆژنامەی ئاس، بڕی 9 ملیۆن یۆرۆ لە نێوان هەردوو یانەی ریال مەدرید و ئاتاڵانتا دابەش دەكرێت و هەر یەك لە یانەكان بڕی 4 ملیۆن یۆرۆ وەك بەشداریكردن لە یارییەكە وەردەگرن.
ئاماژە بەوەشكراوە، براوەی یارییەكە بڕی یەك ملیۆن یۆرۆ زیاتر وەردەگرێت، بەهۆی بەدەستهێنانی نازناوی جامی سوپەری ئەوروپا.
وەرزی رابردوو ریال مەدرید لەبەرامبەر بەدەستهێنانی نازناوی چامپیۆنزلیگ بڕی 137 ملیۆن یۆرۆی وەرگرت.
یارییەكەی نێوان ریال مەدرید و ئاتاڵانتا لە یاریگای وارشۆی نیشتیمانی لە پۆڵەندا بەڕێوە دەچێت و ساندرۆ شارەر ناوبژیوانی یارییەكە دەبێت.
