سەڵاح رەخنە لە نرخی خۆی لە فانتاسی پرێمەرلیگ دەگرێت

یاریگا –

سەڵاح رەخنە لە نرخی خۆی لە فانتاسی پرێمەرلیگ دەگرێت و بڕوای وایە نرخێکی زۆر هەرزانی بۆ دانراوە.

محەمەد سەڵاح هێرشبەری میسڕی یانەی لیڤەرپوولی ئینگلیزی لە لێدوانێکی بۆ ماڵپەڕی فەرمی فانتازی پرێمەرلیگ دەڵێت :’هیوادارم لە پێکهاتەی زۆربەی راهێنەرەکانی فانتاسیدا بم، دڵنیابن ئەگەر لە پێکهاتەکانتان دامبنێن خاڵەکانتان مسۆگەرە’.

هەروەها هێرشبەرەکەی رێدز دەشڵێت :’دەبووایە نرخی من لەنێو یاریزانانی فانتاسی پرێمەرلیگ زیاتر بێت، بەڵام من نامەوێت نرخەکەم زۆر گران بێت، چونکە دەمەوێت هەمووان بتوانن بمکڕن و لە پێکهاتەی خۆیاندا دامبنێن، هیوادارم لە وەرزی نوێ زۆرترین خاڵ کۆبکەمەوە لەسەر ئاستی یاریزانانی پرێمەرلیگ’.

رۆژی شەممەی داهاتوو لیڤەرپوول لە یەکەمین گەڕی وەرزی نوێی پرێمەرلیگ لە دەرەوەی یاریگای خۆی دەبێتە میوانی ئیپسویچ تاون.