یاریگا –
گۆڕانکارییەکان لە ریزەکانی مانچێستەر یونایتد خێرا روودەدەن و تۆزێک پێش ئێستا رۆیشتنی بەرگریکارێک راگەیەندرا.
فابریزۆ رۆمانۆ بڵاویکردەوە کە وێستاهام لەگەڵ ئارۆن وان بیساکا گەشتوونەتە رێککەوتن.
🚨⚒️ Aaron Wan-Bissaka to West Ham, here we go! Verbal agreement in place for right back to join #WHUFC from Man United as planned.
Understand medical tests already booked on Sunday for AWB! 🩺
Fee will be £15m. Man United authorized AWB to travel… Mazraoui, joining soon. pic.twitter.com/3tkpbPHBHm
— Fabrizio Romano (@FabrizioRomano) August 10, 2024
وەک رۆمانۆ زانیویەتی، رۆژی یەکشەممە واتا سبەی پشکنینە پزیشکیەکان بۆ ئەو بەرگریاکەرە ئینگلیزیە ئەنجام دەدرێ.
هەر بەپێی زانیارییەکانی ئەو رۆژنامەنووسە، تێچوی گواستنەوەی بیساکا 15 ملیۆن پاوەندە.
وان بیساکا لە ساڵی 2019 بەبڕی 50 ملیۆن پاوەند، لە کریستال پاڵاسەوە پەیوەندی بە مان یونایتد کرد. لە ماوەی ئەو پێنج وەرزەدا، وان بیساکا 190 یاری کردووە و نازناوەکانی جامی خول و جامی FA بەدەستهێناوە.
وەرزی رابردوو، وان بیساکا بەشداری لە 30 یاریدا کرد کە 22یان لە پرێمەرلیگ بوو.
بەڕێکردنی ناوبراو لە کاتێکدایە هەر ئەمڕۆ سەرچاوەکانی هەواڵ گواستنەوەی دوو بەرگریکاریان بۆ مانچێستەر یونایتد راگەیاند:
