تەواو؛ ئاتلێتیکۆ مەدرید شۆڕش لە دژی بارسێلۆنا و ریال مەدرید بەرپادەکات
ئیتر ئاتلێتی ناوێکی ئاسانی لالیگا و چامپیۆنزلیگ نابێت
یاریگا –
ئاتلێتیکۆ مەدرید زۆر لە گواستنەوەی جولیان ئالڤارێز، ئەستێرەی ئەرجەنتینی نزیکبووەتەوە.
یانە مەدریدییەکە دەیەوێت بۆ وەرزی نوێی لالیگا، ببێتە رکابەرێکی سەرسەختی ریال مەدرید و بارسێلۆنا و لە ماوەی رابردوودا، چەند ئەستێرەیەکی گواستووەتەوە و ئێستاش کار لەسەر گواستنەوەی ئالڤارێز، هێرشبەری مانچێستەر سیتی و کۆنۆر گالاگێر، یاریزانی چێڵسی دەکات.
بەگوێرەی دوایین زانیارییەکانی فابریزیۆ رۆمانۆ، رۆژنامەنووسی دیاری مێرکاتۆی یاریزانان، ئاتلێتیکۆ مەدرید ئامادەیە بڕی 75 ملیۆن یۆرۆ بۆ گواستنەوەی ئالڤارێز خەرج بکات و رەنگە ئەمڕۆ تەواوی وردەکارییەکان تەواوبن و گرێبەستەکە واژۆ بکەن.
🚨🕷 Atlético Madrid are closing in on Julián Álvarez deal!
◉ Atléti offer more than €75m for Julián to City, working to get it done today.
◉ Chelsea are closing in on Samu Omorodion deal for £35m with Atléti.
◉ Conor Gallagher, set to travel to Madrid today.
Domino ⏳🏁 pic.twitter.com/nH9GzaqRa2
— Fabrizio Romano (@FabrizioRomano) August 6, 2024
ئاتلێتیکۆ تەنیا کار لەسەر گواستنەوەی ئالڤارێز ناکات، بەڵکو لە سەنگەرێکی دیکە خەریکی تەواوکردنی وردەکارییەکانی گواستنەوەی کۆنۆر گالاگێرە.
لە چەند رۆژی رابردوودا، گفتوگۆی نێوان ئاتلێتیکۆ و چێڵسی پێشکەوتنی زۆری بەخۆیەوە بینیوە و پێشبینی دەکرێت، ئەمڕۆ گالاگێر بچێتە مەدرید و پشکنینەکانی پزیشکی بکات.
بۆ رازیکردنی چێڵسی، ئاتلێتیکۆ ئامادەیە دەستبەرداری سامو ئۆمۆرۆدیۆن، هێرشبەری ئیسپانی ببێت و نرخەکەشی بە 35 ملیۆن پاوەند دەخەمڵێندرێت.
لە بازاڕی گواستنەوەی ئەم هاوینەدا، ئاتلێتیکۆ مەدرید تاوەکو ئێستا رۆبن لۆ نۆرماند، بەرگریکاری ئیسپانیا و ئالێکساندەر سۆرلۆس، هێرشبەری ڤیاڕیالی گواستووەتە.
ئالڤارێز وەرزی رابردوو لەگەڵ مانچێستەر سیتی بەشداری لە 54 یاریدا كرد، 19 گۆڵ و 13 ئەسیستی هەبوو. هێرشبەرە ئەرجەنتینییەکە، لەگەڵ تانگۆ نازناوی كۆپا ئەمێریكای بردەوە و دوو گۆڵی لە پاڵەوانیەتیەكەدا کرد.
