لیڤەرپوول شوێنگرەوەی ئالیسن بەیكەری دەستنیشانكردووە
یاریگا –
یانەی لیڤەرپوولی ئینگلیزی لە گواستنەوەی جیۆرجی مامارداشڤیڵ گۆڵپارێزی هەڵبژاردەی جۆرجیا و یانەی ڤالێنسیای ئیسپانی نزیك دەبێتەوە.
مامارداشڤیڵ لە هاوینی ساڵی 2021 بە بەهای كەمتر لە ملیۆنێك پەیوەندی بە ڤالێنسیاوە كرد و گرێبەستەكەی لەگەڵ ئەو یانەیە لە هاوینی ساڵی 2027 بەسەردەچێت.
گۆڵپارێزە تەمەن 23 ساڵانەكە لە یارییەكانی جامی نەتەوەكانی ئەوروپای 2024 ئاستێكی بەرزی لەگەڵ هەڵبژاردەی جۆرجیا پێشكەشكرد، توانیان قۆناخی كۆمەڵەكان ببڕن و لە قۆناخی شازدە بەرامبەر ئیسپانیا شكستیانهێنا و ماڵئاواییان كرد.
El Liverpool viene a por Mamardashvili con más de 30 millones… ¡Para cederlo hasta que Alisson Becker se marche!
▪️ Reunión prevista esta semana entre los clubes.
▪️ El Bournemouth, también interesado.
✍️ @sanchis14 https://t.co/IwYyZ637ky
— Relevo (@relevo) August 5, 2024
بە گوێرەی زانیارییەكانی تۆڕی رێلیڤۆ، یانەی لیڤەرپوولی ئینگلیزی نزیكە لە گواستنەوەی مامارداشڤیڵ.
ئاماژە بەوەشكراوە، لیڤەرپوول ئۆفەرێكی بە بەهای 30 ملیۆن یۆرۆ بۆ گواستنەوەی گۆڵپارێزە جۆرجیەكە پێشكەشكردووە و دەیەوێت بیكات بە شوێنگرەوەی ئالیسن بەیكەر.
لەم هەفتەیەدا کۆبوونەوەیەك لەنێوان بەرپرسانی لیڤەرپوول و یانەی ڤالێنسیای ئیسپانی ئەنجام دەدرێت بەمەبەستی کۆتاییهێنان بە گرێبەستەکە.
تا ئێستا لیڤەرپوول هیچ گرێبەستێكیان لە گواستنەوەكانی هاوینەدا ئەنجام نەداوە.
