لیڤەرپوول ئەستێرەیەکی ئۆڵێمپیاد دەکاتە ئامانج
یاریگا –
لیڤەرپوول هەوڵەکانی بۆ گواستنەوەی ئەستێرەیەکی ئۆڵێمپیادی پاریس دەستپێدەکات.
رۆژنامەی میرەر بڵاویکردووەتەوە، لیڤەرپوول خولیۆ بارێتۆی ئەستێرەی هەڵبژاردەی ئۆڵێمپی ئەرجەنتینی کردووەتە ئامانج و لەسەر داوای ئاڕنە سڵۆت هەوڵەکانی بۆ گواستنەوەی دەستپێدەکات.
رێدز دەیەوێت بەرگریکارە ئەرجەنتینییەکە بکات بە شوێنگرەوەی ئاندرو رۆبێرتسن، بەرگریکارە سکۆتلاندییەکە رۆڵێکی باڵای لە سەرکەوتنەکانی تیپەکەی یۆرگن کڵۆپ هەبوو، بەڵام لە 12 مانگی رابردوو بەهۆی پێکان لە زۆرینەی یارییەکان دابڕاوە و ئاستی دابەزیووە.
ئەمە جیا لەوەی لە یارییەکانی جامی نەتەوەکانی ئەوروپای 2024 تووشی پێکانێکی نوێ بوو، بەو هۆیەش لە سێ یاریی ئامادەکاری یانەکەی بۆ وەرزی نوێ بەشداری نەکردووە.
هەرچەندە لەو ماوەیەدا کۆنستانتیۆنس سیمیکاسی یۆنانی وەک یەدەکی ئاندرو یاریی کردووە، بەڵام ئەویش لە نیوەی وەرزی رابردوو بەهۆی پێکان چەند مانگێک دابڕا.
سڵۆت لەو بڕوایەدایە ئەگەر بیەوێت کێبڕکێی مانچێستەر سیتی و ئارسیناڵ بکات، پێویستە خولیۆ بارێتۆی تانگۆیی بۆ پێکهاتەی تیپەکەی زیاد بکات.
نرخی یاریزانەکە لە بۆرسەی یاریزانان تەنیا 2 ملیۆن یۆرۆیە، بەڵام یانەکەی داوای 15 ملیۆن یۆرۆ دەکات. ئێستا گواستنەوەی یاریزانەکە بەندە بەوەی یانەی لانۆسی ئەرجەنتینی دەستبەرداری دەبێت یاخود نا. جیا لەوەش رازیکردنی یاریزانەکە و دیاریکردنی ئەرکەکانی لە پێکهاتەی تیپەکەدا ئەرکی سەرەکی سڵۆت دەبێت.
Julio Soler looks like he could be the first signing of the summer for Liverpool.
Likely the long-term Robbo replacement 🇦🇷 🤔
— Anfield Edition (@AnfieldEdition) August 4, 2024
