ئیمان خلێف: تکایە مووبەی سەر وەرزشکاران بوەستێنن

یاریگا –

ئیمان خلێف، کچە مستوەشێینی جەزائیری پەیامێکی پڕ لە نیگەرانی لە بارەی بیروبۆچوونە هەڵەکان بڵاودەکاتەوە.

کچە مستەوەشێنی جەزائیری، زۆر لە مشتومڕەکان لەبارەی ‘رەگەزەکەی’ نیگەرانە و دووپاتیدەکاتەوە، ئەمجۆرە مشتومڕانە ‘کاریگەری لەسەر شکۆی مرۆڤ’ دەکات.

ئیمان خلێف لە پەیامەکەیدا داوای دانانی سنوور بۆ مووبەرەکان دەکات و دەڵێت، پێویستە سنوورێک بۆ مووبەرکردنی سەر وەرزشکاران دابندرێت.

پاڵەوانە جەزائیرییە 25 ساڵییەکە لە چاوپێکەوتنێکیدا لەگەڵ ئاژانسی ئەسۆشیەتد پرێس، باسی لە ساتە قورسەکانی خۆی لە ئۆڵێمپیادی پاریس کرد.

سوپاسی لیژنەی ئۆڵێمپی و تۆماس باخ، سەرۆکی لیژنەکە دەکەم، چونکە زۆر پاڵپشتییان کردم، سەرەڕای ئەوەی یەکێتیی نێودەوڵەتی مشتەکۆڵە، ئاستەنگی بۆ بەشداریکردنم لە ئۆڵێمپیاد دروستکردبوو.

ئیمان زۆر لە بەدەستهێنانی مێدالیای زێڕ نزیکبووەتەوە و دەبێتە یەکەم جەزائیری لە دوای ساڵی 2000ەوە مێدالیای زێڕ بۆ وڵاتەکەی بەدەستبهێنێت.

سبەی سێشەممە، ئیمان لە قۆناخی پێشکۆتایی رووبەڕووی جانجام سوانفینگ، مستوەشێنی تایلاندی دەبێتەوە و ئەگەر سەربکەوێت، هەینی داهاتوو بەشداری یاریی کۆتایی دەکات.