بارسێلۆنا ئۆفەری بۆ یەکێک لە جواوەکان پێشکەش کرد
یاریگا –
یانەی بارسێلۆنا بە ئۆفەرێکی نوێوە لە یەکێک لە جواوە پۆرتوگالیەکان چووەتە پێشەوە.
هەردوو یاریزانان جواو فێلیکس و جواو کانسێلۆ لە یەک کاتدا لە سێپتەمبەری ساڵی رابردوو بە خواستن گواسترانەوە بارسێلۆنا. بە کۆتاییهاتنی وەرزی 2023-2024 تا ئێستا دەنگۆی جیاواز زۆر هەبووە لەسەر مانەوەیان یاخود رەوانەکردنەوەیان بۆ یانەکانیان.
بەگوێرەی نوێترین زانیاریی کە دەیلی ستاری ئینگلیزی بڵاویکردووەتەوە، بارسا ئۆفەرێکی نوێی بۆ مانچێستەر سیتی خستووەتە ڕوو بۆ گرێبەستکردن لەگەڵ کانسێلۆ بۆ ماوەی وەرزێکیتر.
🚨 Barcelona have launched a new offer to sign Manchester City's João Cancelo on another season-long loan.
Initial loan fee of £7m plus an £18m obligation to buy next summer.
(Source: Daily Star) pic.twitter.com/iylXpsMwQB
— Transfer News Live (@DeadlineDayLive) July 30, 2024
ناوەڕۆکی زانیارییەکەی ئەو سەرچاوەیە باس لەوە دەکات بڕی 7 ملیۆن پاوەند بۆ ماوەی خواستنەکە و لەگەڵ 18 ملیۆن لە باری کڕینەوەی ناچاری لە هاوینی داهاتوو، لەسەر مێزی گفتوگۆکان دانراون.
یاریزانە پۆرتوگالییەکە کە ئێستا تەمەنی 30 ساڵە، رێگەی گەڕانەوەی بۆ سیتی زەحمەتتر بووە بەتایبەت دوای ئەو لێدوانە گرژانەی لە هەردوولا دروست بوون و بەرپەرچی یەکتریان دەدایەوە لەسەر راستی چوونەدەرەوەکەی لە سیتیزنس.
ناوبراو وەرزی رابردوو لەگەڵ بلاوگرانا لە 32 یاری لالیگادا توانی 2 گۆڵ و 4 ئەسیست و، لە چامپیۆنزلیگیش لە 10 یاریدا توانی 2 گۆڵ و ئەسیستێک بکتا.
