یاریگا –
یانەی پاریس سانجێرمانی فەڕەنسی دەیەوێت براهیم دیاز ئەستێرەی مەغریبی یانەی ریال مەدرید بگوازێتەوە ریزەكانی.
دیاز لە ساڵی 2019 لە ریزەكانی مانچێستەر سیتیەوە بە بەهای 17 ملیۆن یۆرۆ پەیوەندی بە ریال مەدریدەوە كرد و لەو ماوەدا دوو جار بە خواستن پەیوەندی بە ئەیسی میلانەوە كرد.
Madrid, Madrid y sólo Real Madrid.
Muy feliz de volver a casa, gracias a todos por vuestro cariño 🤍. #HalaMadrid @realmadrid pic.twitter.com/1ztEFuo2P8
— Brahim (@Brahim) June 13, 2023
بە گوێرەی زانیارییەكانی ئێل ناسیۆنال یانەی پاریس سانجێرمانی فەڕەنسی دەیەوێت براهیم دیاز بۆ شوێنگرتنەوەی كیلیان ئێمباپێ بگوازێتەوە.
ئاماژە بەوەشكراوە، لەسەر داوای لویس ئێنریكێ ئیدارەی پاریس هەوڵی گواستنەوەی براهیم دیاز دەدەن، كە سەرسامی تواناكانی یاریزانە مەغریبیەكەیە.
ئەوەش خراوەتە روو، هاتنی ئۆفەرێك بە بەهای 30 ملیۆن یۆرۆ رەنگە فلۆرینتینۆ پێرێز رازی بكات دەستبەرداری یاریزانە تەمەن 24 ساڵانەكەی ببێت.
وەرزی رابردوو دیاز بەشداری لە 44 یاری كرد و توانی 12 گۆڵ بكات و نۆ گۆڵیش درووست بكات.
