یاریگا –
رۆدریگۆ گۆس، هێرشبەری بەڕازیلی ریال مەدرید، ئامادەیە زوو کۆتایی بە پشووی هاوینەی بهێنێت و پەیوەندی بە مەشقەکانی یانەکەی بکات.
یاریزانان و ئەندامانی ستافی تەکنیکی ریال مەدرید بەم زووانە دەچنە ئەمریکا بۆ رێکخستنی گەشتی پێش وەرز لەم وڵاتەدا، بڕیارە چەند یارییەکی دۆستانە لەگەڵ تیپە گەورەکانی وەک میلان و بارسێلۆنا ئەنجام بدەن، کە ئەمەش بۆ هاندەرانی تۆپی پێ بە ئامادە بووی یاریزانە نوێیەکانی ریال زۆر سەرنجڕاکێش دەبێت.
لە گەشتەکەی ریال بۆ ئەمریکا، زۆرێک لە یاریزانە سەرەکییەکانی ئەم تیپە تا ئێستاش بەهۆی بەشداریکردنیان لە یۆرۆ 2024 یان کۆپا ئەمێریکا لە پشوون، هەروەها بەشداری مەشقەکانی پێش وەرزی یانەکەیان ناکەن، بەڵام پێدەچێت یەکێکیان بییەوێت بەر لە وادەی تەواو بوونی پشوو پەیوەندی بە مەشقەکان بکاتەوە.
🚨 JUST IN: Rodrygo will cut his vacation short. He’s planning to join the team in USA on July 31st/August 1st. His goal is to play in El Clásico. @relevo 🇧🇷🤍 pic.twitter.com/NjuNGHvmSD
— Madrid Xtra (@MadridXtra) July 28, 2024
ماڵپەڕی رێلێڤۆی ئیسپانی بڵاویکردووەتەوە، رۆدریگۆ زوو کۆتایی بە پشووەکەی دەهێنێت و بەنیازە لە 31ی تەمموز یان 1ی ئاب پەیوەندی بە کەمپی ریال مەدریدەوە بکات و راهێنانەکانی پێش وەرز لەگەڵ ئەم تیپە ئەنجام بدات.
ئامانجی سەرەکی ئەم ئەستێرە بەڕازیلییە ئەوەیە کە بتوانێت یاوەری تیپەکەی لە یاری دۆستانەی پێش وەرز بەرامبەر بارسێلۆنا بکات. بڕیارە یاری کلاسیکۆی پێش وەرز لە 4ی ئاب لە ئەمریکا لە یاریگای مێتلایف بەڕێوەبچێت و رۆدریگۆش حەز دەکات هێزی خۆی بەرامبەر ئەم رکابەرە کۆنە نیشان بدات.
