ئۆڵێمپی عێراق چۆن دەگاتە قۆناخی داهاتووی ئۆڵێمپیادی پاریس؟
راپۆرتێکی شیکاری تۆڕی وەرزشی یاریگا لەبارەی ئەگەرەکانی بەردەوامبوونی هەڵبژاردەی عێراق
یاریگا –
هاوکێشەی کۆمەڵەی دووەمی رکابەرییەکانی تۆپی پێی پیاوان لە ئۆڵێمپیادی پاریس تەواو تێکەڵ بووە، ئەمەش دویا دۆڕانی هەڵبژاردەکانی عێراق و مەغریب، بەرامبەر هەڵبژاردەکانی ئەرجەنتین و مەغریب.
لە گەڕی دووەمی رکابەرییەکاندا، عێراق 3-1 بە ئەرجەنتین دۆڕا و مەغریبیش 2-1 بە ئۆکراینا دۆڕا.
لە گەڕی یەکەمدا، عێراق 2-1 لە ئۆکراینای بردبووەوە و مەغریبیش 2-1 بەسەر ئەرجەنتیندا سەرکەوتبوو.
لەدوا گەڕی قۆناخی کۆمەڵەکاندا، سێشەممە عێراق رووبەڕووی مەغریب دەبێتەوە و ئەرجەنتینیش بەرامبەر ئۆکراینا یاری دەکات.
ئێستا هەرچوار هەڵبژاردەکە خاوەنی سێ خاڵن، بردنەوە و دۆڕانێکیان هەیە، بۆیە یەکلاییکردنەوەی هاوکێشەکە چاوەڕێی دوا گەڕ دەبێت.
رێساکانی سەرکەوتن لە قۆناخی کۆمەڵەکانی ئۆڵێمپیادی پاریس چین؟
- جیاوازی خاڵ
- جیاوازی گۆڵ
- ژمارەی گۆڵی هەر هەڵبژاردەیەک
- ژمارەی خاڵەکانی رووبەڕووبوونەوەی راستەوخۆی ئەو هەڵبژاردانەی خاڵەکانیان یەکسانە
- جیاوازی گۆڵی رووبەڕووبوونەوەی راستەوخۆ ئەو هەڵبژاردانەی خاڵەکانیان یەکسانە
- ژمارەی گۆڵەکانی هەر هەڵبژاردەیەکی خاوەن هەمان خاڵ لە بەرامبەر یەک
- پشتبەستن بە کەمکردنەوەی خاڵ بەگوێرەی یاساکانی یاری خاوەن؛
- کارتی سوور = -1
- کارتی سوور لە دوای وەرگرتنی دووەم کارتی زەرد= -3
- کارتی سووری راستەوخۆ = -4
- کارتی زەرد + کارتی سووری راستەوخۆ بۆ هەمان یاریزان = -5
ئەگەر هەڵبژاردەکان لەمانەش یەکسانبوون، ئەوا پەنا دەبرێتە بەر تیروپشک.
ئەوەی تاوەکو ئێستا لێی دڵنیابووینەتەوە، هەڵبژاردەکانی عێراق و مەغریب بەیەکەوە ناتوانن بەردەوام بن، ئەگەرەکانی سەرکەوتنی عێراق و مەغریب چین؟
- بردنەوەی عێراق لە مەغریب و بردنەوەی ئۆکراینا لە ئەرجەنتین؛ عێراق و ئۆکراینا دەگەنە قۆناخی دووەم و پلەکانی یەکەم و دووەم بە گوێرەی یاساکانی سەرەوە یەکلاییدەکرێتەوە.
- بردنەوەی عێراق لە مەغریب و یەکسانبوونی ئۆکراینا و ئەرجەنتین؛ عێراق بە پلەی یەکەم سەردەکەوێت و پلەی دووەم بەگوێرەی رێساکانی سەرەوە لە نێوان ئەرجەنتین و ئۆکراینا یەکلاییدەکرێتەوە.
- بردنەوەی مەغریب لە عێراق و بردنەوەی ئەرجەنتین لە ئۆکراینا؛ مەغریب و ئەرجەنتین سەردەکەون و پلەی یەکەم بەگوێرەی رێساکانی سەرەوە لە نێوان ئەرجەنتین و ئۆکراینا یەکلاییدەکرێتەوە.
- بردنەوەی مەغریب لە عێراق و یەکسانبوونی ئەرجەنتین لەگەڵ ئۆکراینا؛ مەغریب سەردەکەوێت و پلەی دووەم بەگوێرەی رێساکانی سەرەوە لە نێوان ئەرجەنتین و ئۆکراینا یەکلاییدەکرێتەوە.
- یەکسانبوونی عێراق و مەغریب و بردنەوەی ئەرجەنتین لە ئۆکراینا؛ مەغریب بە جیاوازی گۆڵ لەگەڵ عێراق بە پلەی دووەم سەردەکەوێت و ئەرجەنتینیش لە پلەی یەکەم.
- یەکسانبوونی مەغریب و عێراق، هەروەها ئەرجەنتین و مەغریب؛ هەرچوار هەڵبژاردەکە خاوەنی چوار خاڵن، ئینجا بۆ یەکلاییکردنەوەی تەواوی ریزبەندییەکە، کار بە رێساکانی باسکراو لە سەرەوە دەکرێت.
