یاریگا –
بەشێوەکەی فەرمی بارسێلۆنا چاکبوونەوەی دوو یاریزانی لە پێکانەکانیان راگەیاند.
ماڵپەڕی فەرمی بارسێلۆنا بڵاویکردووەتەوە، هەریەکە لە یاریزانان ئالیخاندرۆ باڵدێی ئیسپانی و جولیان ئاراوخۆی ئەمریکی بە تەواوی لە پێکانەکانیان چاکبوونەتەوە و بەشداری دوایین مەشقی بەکۆمەڵی یانەکەیان کردووە.
INJURY NEWS | First team players Balde and Julián Araujo declared fully fit pic.twitter.com/bDGaim5F89
— FC Barcelona (@FCBarcelona) July 25, 2024
بالدی لە 25ـی مانگی یەکی ئەمساڵەوە بەهۆی پێکان لە یاریکردن دابرابوو. ئاراوخۆش لە کۆتایی مانگی ئازارەوە پێکان لە یاریگاکان دووریخستووەتەوە.
دوای چاکبوونەوەیان لە پێکانەکانیان هەردوو یاریزانەکە بۆ گەشتی ئەمریکا ئامادەن و لەگەڵ بارسا بەشداری ئامادەکارییەکانی وەرزی نوێ دەکەن.
بەرگریکارە ئیسپانییەکە سێ وەرزە یاری بۆ تیپی یەکەمی یانە کاتالۆنییەکە دەکات، لە سەرجەم پاڵەوانێتییەکان بەشداری 79 یاری کردووە، 2 گۆڵی کردووە و 7 گۆڵیسی دروستکردووە.
جولیانیش لە هاوینی رابردوو بەبڕی 4 ملیۆن یۆرۆ لە لۆس ئانجلسی ئەمریکییەوە پەیوەندی بە بارسا کرد. وەرزی رابردوو بەشێوەی خواستن یاری بۆ لاس پاڵماسی ئیسپانی کرد.
