یاریگا –
راپۆرتە رۆژنامەوانیەكانی ئیسپانیا هەڵوێستی ئێلكای گوندۆگانی ئەڵمانی و ئەستێرەی یانەی بارسێلۆنای ئیسپانیان ئاشكرا كرد.
گوندۆگان لە هاوینی ساڵی 2023 لە ریزەكانی مانچێستەر سیتیەوە پەیوەندی بە بارسێلۆناوە كرد و گرێبەستەكەی لەگەڵ ئەو یانەیە لە هاوینی ساڵی 2025 بەسەردەچێت.
Ilkay Gündogan does not consider leaving Barcelona.
— @sport pic.twitter.com/ZE25Yu2PW4
— Barça Universal (@BarcaUniversal) July 23, 2024
بە گوێرەی زانیارییەكانی رۆژنامەی سپۆرت، ئێلكای گوندۆگان بیر لە جێهێشتنی بارسێلۆنا ناكاتەوە، لە گواستنەوەكانی هاوینی ئێستادا و دەیەوێت لە یانەكەی بەردەوام بێت.
گوندۆگان لە دوای پێشكەشكردنی ئاستە بەرزەكەی لە یەكەم وەرزی لەگەڵ بارسێلۆنا و لە یارییەكانی جامی نەتەوەكانی ئەوروپا لەگەڵ ئەڵمانیا سەرنجی چەندین یانەی بۆ لای خۆی راكێشاوە.
زۆرێك لە یانەكانی سعودیە و قەتەڕ لە هەوڵی بەدەستهێنانی واژۆی ئەستێرە ئەڵمانییەكەدان.
وەرزی رابردوو گوندۆگان لەگەڵ بارسێلۆنا بەشداری لە 51 یاری كرد و توانی پێنج گۆڵ بكات و 14 گۆڵیش درووست بكات.
