پاریس سانجێرمان ئۆفەرێک پێشکەش بە ئەستێرەیەکی پرێمەرلیگ دەکات
شوێنگرەوەی کیلیان ئێمباپێ
یاریگا –
پاریس سانجێرمانئ فەرەنسی یەکەم ئۆفەر پێشکەش بە جەیدن سانچۆی ئینگلیزی دەکات.
رۆژنامەنووسی فووت مێرکاتۆ سانتی ئاونا بڵاویکردووەتەوە، بۆ گواستنەوەی جەیدن سانچۆ، پارس سانجێرمان یەکەم ئۆفەری فەرمی پێشکەش بە مانچێستەر یونایتد کردووە.
بەگوێرەی زانیارییەکانی ئاونا، سانچۆ ئۆفەر و پڕۆژەی پاریسییەکانی بەدڵە و ئامادەیە پەیوەندی بە یانەکە بکات، گواستنەوەکە بەندە لەسەر ئەوەی مانچێستەر ئامادەیە دەستبەرداری یاریزانەکە ببێت یاخود نا.
🚨EXCL : 🔴🔵🏴 #Ligue1 |
🔐 Le PSG a formulé une proposition contractuelle à Jadon Sancho. Les positions sont rapprochées.
✅️ De sources parisiennes, l’ailier de MU est hyper emballé par le projet présenté par le PSG
⏳️ Reste à voir si Manchester United souhaitera libérer… pic.twitter.com/Z3MVVf4Ogs
— Santi Aouna (@Santi_J_FM) July 22, 2024
جەیدن وەرزی رابردوو بەهۆی تێکچوونی نێوانی لەگەڵ ئێریک تێن هاخ لە مەشقەکانی یانەکە دوورخرایەوە و بەشداری هیچ یارییەکی یانەکەی نەکرد. لە گواستنەوەی زستانە بەشێوەی خواستن پەیوەندی بە بۆڕووسیا دۆرتموند کرد و لەگەڵ زەردەواڵەکان ئاستێکی بەرزی پێشکەشکرد.
یاریزانەکە لەم هاوینە جارێکی دیکە گەڕایەوە ریزەکانی شەتانە سوورەکان و کێشەکانی لەگەڵ تێن هاخ چارەسەرکرد. دوای گەڕانەوەشی راهێنەرە هۆڵەندییەکە ستایشێکی زۆری ئاستی جەیدنی کرد و بە یاریزانێکی گرنگی لە قەڵەمدا.
دوای لەدەستدانی کیلیان ئێمباپێ و رۆیشتنی یاریزانەکە بەرەو سانتیاگۆ بێرنابیۆ، پاریسییەکان لەوبڕوایەدان سانچۆ بژاردەیەکی گونجاوە تا شوێنی کیلیان بگرێتەوە، بۆیە هەوڵەکانیان بۆ گواستنەوەی چڕکردووەتەوە.
سانچۆ لە هاوینی 2021 بە بڕی 85 ملیۆن یۆرۆ لە بۆڕووسیا دۆرتموندی ئەڵمانییەوە پەیوەندی بە مانچێستەر یونایتد کرد، بە درێسی یانە ئینگلیزییەکە لە 82 یاریدا تەنیا 12 گۆڵی کردووە و خاوەنی 2 ئەسیستە. ئەمە لە کاتێکدایە بە درێسی دۆرتموند لە 158 یاریدا 53 گۆڵی کردووە و 67 گۆڵیشی درووستکردووە.
