یاریزانێكی ئیسپانیا لە دوای یۆرۆ واز لە یاریكردنی نێودەوڵەتی دەهێنێت
یاریگا –
خێسوس ناڤاس، ئەستێرەی هەڵبژاردەی ئیسپانیا و یانەی سێڤییای ئیسپانی لە دوای یارییەكەیان بەرامبەر ئینگلتەرا كۆتایی بە یاریكردنی نێودەوڵەتی لەگەڵ هەڵبژاردەكەی دەهێنێت.
وا بڕیارە ئەمڕۆ یەكشەممە كاتژمێر 22:00 بە كاتی كوردستان هەردوو هەڵبژاردەی ئینگلتەرا و ئیسپانیا لە یاری كۆتایی جامی نەتەوەكانی ئەوروپای 2024 رووبەڕووی یەك ببنەوە.
Jesús Navas confirma que no seguirá jugando al fútbol después del mes de diciembre.
💬 “No, ya lo tengo decidido. Quiero estar en la transición del club hasta diciembre”.
💬 “Quiero ayudar al grupo como capitán en una situación complicada del club”. pic.twitter.com/ZqJSQjb1c1
— Relevo (@relevo) July 13, 2024
لە كۆنگرەی رۆژنامەوانی پێش یارییەكەیان بەرامبەر ئینگلتەرا خێسوس ناڤاس گوتی:
مۆراتا هەمیشە هەڵوێستی نایابی بەرامبەرمان هەیە، ئەو سەركردەیەكی نایابە و سۆزێكی زۆری هەیە، ئەو دەرفەتی ئەوەی پێدام لێرە لە كۆنگرە ڕۆژنامەوانیەكەدا قسە بكەم، چوبكە ئەمە دوایین یاریم دەبێت لەگەڵ هەڵبژاردەی ئیسپانیا.
ئامادەبوونم لێرە لە تەمەنی 38 ساڵیدا شتێكی تاك و تەنیا و نایابە.
ناڤاس بڕیاریدەوە لە دوای پاڵەوانییەتی یۆرۆ ماڵئاوایی یەكجاری لە هەڵبژاردەی ئیسپانیا بكات.
ئەستێرە تەمەن 38 ساڵانەكە لەگەڵ ئیسپانیا بەشداری لە 56 یاریدا كردووە و توانیویەتی پێنج گۆڵ بكات و یازدە گۆڵیش درووست بكات.
