مانچێستەر یونایتد و یانەیەکی فەڕەنسی گەیشتنە رێککەوتن لەسەر گرینوود
یاریگا –
لە کۆتاییدا مانچیستەر یونایتد بڕی دڵخوازای خۆی دۆزیەوە بۆ دەستبەرداربوون لە مەیسن گرینوود و کەڵک وەرگرتن لەو پارەیەی لە فرۆشتنی ناوبراو دەستیدەکەوێ.
گرینوود کە دوای کێشە یاساییەکانی لە ئینگلتەرا بە خواستن لە سێپتەمبەری 2023 نێردرایە یانەی خیتافی، لەو یانە وەرزی رابردوو لە 33 یارییدا توانی 8 گۆڵ بکات لەگەڵ 6 ئەسیست و لە کۆتاییشدا بە باشترین یاریزانی خیتافی دەستنیشانکرا بۆ هەمان وەرز.
کۆتایی مانگی رابردوو دەیڤد ئۆرنشتاینی رۆژنامەنووس لە زە ئەتڵەتیک بڵاویکردەوە کە مان یو داوای 40 ملیۆن یۆرۆ دەکات لە بەرانبەر فرۆشتنی یاریزانە ئینگلیزیەکە بە ئۆڵمپیک مارسێی.
ئێستا هەمان رۆژنامەنووس بڵاویکردووەتەوە کە یانە ئینگلیزیەکە و مارسێی گەیشتوونەتە رێککەوتن لەسەر گرینوود و تەنها رەزامەندی خودی یاریزانەکە ماوە.
ئۆرنشتاین ئەوەیشی ئاشکراکردووە گواستنەوەکە لە بەرانبەر 32 ملیۆن یۆرۆ دەبێ لەگەڵ شیرینیەکان.
🚨 EXCL: Marseille reach agreement with Manchester United to sign Mason Greenwood. Proposed deal remains subject to 22yo forward’s approval: not yet in place. Price €31.6m (€27.6m fixed, €4m add-ons) + large share of future sale @TheAthleticFC #OM #MUFC https://t.co/QOIJRyUcZL
— David Ornstein (@David_Ornstein) July 9, 2024
چوونی یاریزانە 22 ساڵانەکە بۆ مارسێی، یەکەمین گرێبەستی رۆبێرتۆ دی زێربی راهێنەری نوێی یانەکە دەبێت کە چاوی لەوەیە کێبڕکێکارێکی سەخت بێت لە فەڕەنسا وەک چۆن لەگەڵ برایتن توانی خۆی بسەلمێنێ.
