تۆتنهام ئۆفەرەکەی میلانی رەتکردەوە
یاریگا –
یانەی تۆتنهام نایەوێ بە کەمتر لەو بڕە پارەیەی داوای دەکات، دەستبەرداری ئێمرسن رۆیاڵ بێت بۆ یانە خوازیارییەکانی.
یاریزانە بەڕازیلیەکە ماوەیەکە بووەتە جێی گرنگیپێدانی چەند یانەیەکی دەرەوەی ئینگلتەرا، لەوانە ئەیسی میلان و بارسێلۆنا. بەڵام وا دیارە یانە ئیتاڵییەکە لێوەی نزیکترە.
بەگوێرەی زانیارییەکانی رودی گالێتی رۆژنامەنووسی سکای سپۆرتس، سپێرس داوای 25 ملیۆن یۆرۆ دەکات تا بچێتە گفتوگۆوە بۆ فرۆشتنی ئێمرسن و لەو خواستەیشیاندا بە نەگۆڕیی ماونەتەوە.
🚨‼️ No change in #Tottenham's position on Emerson Royal: #THFC still ask for ~€25m to start a negotiation and are adamant on this.
❌ At the moment, #ACMilan offered €15m for the 🇧🇷 RB, immediately rejected by the 🏴 club. 🐓⚽ #Transfers pic.twitter.com/zmSL9ZJShc
— Rudy Galetti (@RudyGaletti) July 6, 2024
هەمان رۆژنامەنووس ئاشکرایشی کردووە کە کارگێڕی رۆسۆنێری لە ئێستادا 15 ملیۆن یۆرۆیان پێشکەش کردووە، بەڵام دەستبەجێ لەلایەن یانە لەندەنیەکەوە رەتکراوەتەوە.
ئێمرسن کە ئێستا تەمەنی 25 ساڵە، وا دیارە چیتر لە پلانەکانی ئەینج پۆستیکۆگلۆدا نابێت هەربۆیە دەیانەوێت لە فرۆشتنی بڕە پارەی دڵخوازی خۆیان دەستکەوێت. ناوبراو لە لاکان و چەند پێگەیەکی بەرگری یاریی دەکات و وەرزی رابردوو لە 22 بەشداریپێکردن لە پرێمەرلیگ تەنها گۆڵێکی تۆمارکرد.
