گرێبەستە سەیروسەمەرەکەی نێوان ریاڵ مەدرید و ناپۆلی بۆ رافا مارین
دوێنێ راگەیەندرا رافا مارین بەرگریکاری لاوی ریاڵ مەدرید پەیوەندی دەکات بە ناپۆلی ئیتاڵییەوە. ئەمڕۆش کۆمەڵێک ووردەکاری سەیری گرێبەستەکەی ئاشکرا بوو.
رافا دەرچووی ئەکادیمیای ریاڵ مەدریدە و پارساڵ بە خواستن بۆ ئالاڤێس یاری کرد. ئاستە بەرزەکەی بووە هۆکاری ئەوەی یانەیەکی دەرەوەی ئیسپانیا گرنگی پێبدات و ریاڵ مەدریدیش قازانجێکی دارایی باش بکات لە فرۆشتنی دا.
ماوەیەکی زۆرە گفتوگۆ لە نێوان مەدرید و ناپۆلی هەیە لەسەر چۆنیەتی رێککەوتن لەسەر فرۆشتنی، چونکە مێرەنگی سوور بوو لەسەر ئەوەی لە داهاتوودا مافی کڕینەوەی ئەو یاریزانەی هەبێت. سەرەنجام بەگوێرەی فابریزیۆ رۆمانۆ بەم جۆرە رێککەوتوون
- ناپۆلی 12 ملیۆن یۆرۆ دەدات بە ریاڵ مەدرید بۆ گواستنەوەی رافا مارین
- ریاڵ مەدرید مافی دووبارە کڕینەوەی ئەو یاریزانەی هەیە لە 2026 بە 25 ملیۆن یۆرۆ. بەڵام ئەگەر لە 2027 داوای گەڕاندنەوەی کرد ئەوا دەبێت 35 ملیۆن یۆرۆ بدات.
- لە 2025دا (هاوینی داهاتوو)، ئەگەر ناپۆلی بڕی 10 ملیۆن یۆرۆ بدات بە ریاڵ مەدرید، ئەوا بڕە پارەی کڕینەوەی ئەو یاریزانە دوو هێند دەبێت. واتە لە 2026 دەبێت بە 50 ملیۆن و لە 2027 دەبێت بە 70 ملیۆن.
🔵🇪🇸 Napoli will pay €12m to Real Madrid for Rafa Marin.
◉ €25m buy back clause for 2026, €35m for 2027.
◉ In 2025, Napoli cay pay €10m more and make value of buy-back clause double for €50m in 2026 and €70m in 2027. pic.twitter.com/KR1NQOpty8
— Fabrizio Romano (@FabrizioRomano) July 4, 2024
ریاڵ مەدرید دوای فرۆشتنی مارین و رۆیشتنی ناچۆ، ئێستا یانەکە تەنها سێ بەرگریکاری هەیە و بەدوای دڵی بەرگرییەکی دیکەدا دەگەڕێت. زۆربەی هەواڵەکانیش کۆکن لەسەر ئەوەی لێنی یۆرۆی بەرگریکاری لیل دەبێت.
