بارسێلۆنا چاوی لە ئەستێرەیەکی مان یونایتدە
یاریگا –
یانەی بارسێلۆنا چووەتە گفتوگۆوە لەگەڵ مانچێستەر یونایتد بۆ گواستنەوەی یاریزانێکی شەیتانە سوورەکان بە شێوەی خواستن.
بارسا قەیرانی دارایی هەیە و دەیەوێ ریزەکانی رێکبخاتەوە لەسەر بنەمای هێنانی یاریزان بە شێوەی خواستن. کە هەمان ستراتیژی بەکارهێنا لە کەڵک وەرگرتن لە هێنانی جواو کانسێلۆ و جواو فێلیکسی پۆرتوگالی لە یانەکانی مان سیتی و ئاتلێتیکۆ مەدرید.
بەگوێرەی زانیارییەکانی رۆژنامەی سپۆرتی ئیسپانی، کارگێڕی بلاوگرانا گرنگی بە جەیدن سانچۆ دەدەن بەڵام بە خواستن، لەو بارەیەشەوە گفتوگۆیشیان لەگەڵ لایەنی بەرانبەر کردووە.
🚨 Barcelona could be interested in a loan deal for Jadon Sancho after holding talks with Manchester United.
(Source: @Sport) pic.twitter.com/ZVXCytRydB
— Transfer News Live (@DeadlineDayLive) June 26, 2024
سانچۆ کە زستانی ئەم ساڵ دوای تەقینەوەی کێشەکانی لەگەڵ ئێریک تێن هاخ بە خواستن گەڕایەوە بۆ دۆرتمۆندی یانەی پێشووی، لەگەڵ زەردپۆشەکانی ئەڵمانیا ئاستی خۆی پیشاندایەوە و بوو بە یەکێک لە یاریزانە سەرەکییەکان. لە 14 یاریی بۆندسلیگا توانی دوو گۆڵ بکات لەگەڵ دوو ئەسیست.
