پێدری ژمارەیەكی كریستیانۆ رۆناڵدۆی یەكسان كردەوە
یاریگا –
پێدری گۆنزالێز، ئەستێرەی هەڵبژاردەی ئیسپانیا و یانەی بارسێلۆنا ژمارەیەكی كریستیانۆ رۆناڵدۆی ئەفسانەی تۆپی پێ یەكسان كردەوە.
شەوی رابردوو هەردوو هەڵبژاردەی ئیسپانیا و ئیتاڵیا رووبەرووی یەك بوونەوە و یارییەكە بە گۆڵێكی بێ وەڵام لە بەرژەوەندی ئیسپانییەكان كۆتایی هات، لە میانی یارییەكانی گەڕی دووەمی قۆناخی كۆمەڵەكانی یۆرۆی 2024.
لە دوای بەشداریكردنی لە یارییەكەدا پێدری ژمارەیەكی كریستیانۆ رۆناڵدۆی یەكسان كردەوە.
12 – This is @Pedri‘s 🇪🇸 12th appearance at a major tournament (WC/EUROs) – the joint-most by a European player while aged 21 or under, along with Cristiano Ronaldo 🇵🇹 (12). Precocious. pic.twitter.com/HKSMdMxb75
— OptaJose (@OptaJose) June 20, 2024
بە گوێرەی زانیارییەكانی تۆڕی ئۆپتا كە تایبەتە بە ژمارە و ئامارەكان، پێدری پێش تەمەنی 21 ساڵی بەشداری لە 12 یاری جامی جیهانی و یۆرۆی كردووە و بەوەش ژمارەكەی رۆناڵدۆی یەكسان كردەوە كە لەو تەمەنەدا ئەو ژمارە یارییەی لەو دوو پاڵەوانیەتییەدا كردووە.
پێدری یەكێكە لە یاریزانە سەرەكیەكانی هەڵبژاردەی ئیسپانیا و ئامانجی بەدەستهێنانی نازناوێكی گەورەیە لەگەڵ هەڵبژاردەكەی.
