وێستهام یونایتد ئەستێرەیەکی بەرازیلی گواستەوە

یاریگا –

وێستهام یونایتد گرێبەستی لەگەڵ لویس گویلێرمێ، یاریزانی پالمێراس بۆ ماوەی پێنج ساڵ واژۆ کرد.

یاریزانی تەمەن 18 ساڵان سبەی هەینی، لەگەڵ کردنەوەی دەرگای گواستنەوەی یاریزانان، دەبێتە یاریزانی نوێی وێستهام و فایڵەکەی ئاراستەی فیفا دەکرێت.

The boy from Brazil is Claret and Blue ⚒️ pic.twitter.com/QepeRsWxpt

— West Ham United (@WestHam) June 13, 2024

گویلێرمێ بە یەکێک لە یاریزانە بەهرەمەندەکانی بەرازیل هەژمار دەکرێت، سەرەڕای بچووکی تەمەنی، تاوەکو ئێستا 40 یاری بۆ پالمێراس کردبوو، نازناوی خولی بەرازیلی لەگەڵ یانەکە بەدەستهێنا و بەشداری لە کۆپا لیبێرتادۆرێس کرد، هەروەها یاری بۆ هەڵبژاردەی بەرازیلی ژێر 20 ساڵان کردووە.

گویلێرمێ لە سەرەتای مانگی داهاتوو دەگاتە لەندەن و مەشقەکان لەگەڵ کەتیبەکەی جولیان لۆپێتگێ دەستپێدەکات.