گواردیۆلا هەڵوێستی خۆی لەبارەی مانەوەی کانسێلۆ لە بارسێلۆنا راگەیاند
یاریگا –
گواردیۆلا هەڵوێستی خۆی لەبارەی مانەوەی کانسێلۆ لە بارسێلۆنا راگەیاند، کە ئەو بەرگریکارە پۆرتوگاڵییە بە خواستن لە مانچێستەر سیتییەوە روویکردووەتە ریزەکانی یانە کەتەلۆنییەکە.
پێپ گواردیۆلا، بەڕێوەبەری هونەری مانچێستەر سیتی ئینگلیزی لەبارەی داهاتووی جواو کانسێلۆ بەرگریکاری پۆرتوگاڵی یانەکەی کە وەرزی رابردوو بە خواستن پەیوەندی بە ریزەکانی بارسێلۆنا کردبوو، رایگەیاند :’ئێمە لەگەڵ بارسێلۆنا لەمبارەیەوە قسە دەکەین، هەوڵ دەدەین باشترین چارەسەر بدۆزینەوە، ئەگەر جواو فیلێکس بیەوێت لە بارسێلۆنا بمێنێتەوە و هەردوو یانەکەش لەسەری رێککەوتوون، ئەوا کانسێلۆ لە یانەکە بەردەوام دەبێت و لەو یانەیە یاریی دەکاتەوە’.
🇵🇹Guardiola y João Cancelo:
“Ha de ser lo mejor para todos”
“Nos sentaremos los dos clubes”
“Es jugador nuestro y, si no se llega a un acuerdo, tendrá que volver en la pretemporada”
“Si él quiere quedarse aquí, y los clubes se ponen de acuerdo, se volverá a hacer”#fcblive pic.twitter.com/omFuUc03IR
— Víctor Navarro (@victor_nahe) June 10, 2024
هەروەها گواردیۆلا گوتیشی :’ئەگەر هیچ رێککەوتنێک لە نێوان هەردوو یانە نەکرا، ئەوا کانسێلۆ یاریزانی ئێمەیە و دەگەڕێتەوە یانەکەمان و لەگەڵمان بەردەوام دەبێت’.
کانسێلۆ (30 ساڵان) لە بازاڕی گواستنەوەی هاوینەی یاریزانانی ساڵی رابردوو بە خواستن پەیوەندی بە بارسێلۆناوە کرد و ئەم هاوینە ماوەی خواستنەکەی کۆتایی هات کە لە بۆرسەی یاریزانان نرخەکەی 25 ملیۆن یۆرۆیە.
بەگوێرەی سەرچاوەی میدیاکانی کەتەلۆنیا، هانسی فلیک راهێنەری نوێی بارسێلۆنا دەیەوێت کانسێلۆ لە بلاوگرانا بمێنێتەوە کە وەرزی رابردوو بە درێسی بارسا لە سەرجەم پاڵەوانێتییەکان بەشداریی 42 یاریی کرد و 4 گۆڵ و 5 ئەسیستی کرد.
