توخێل دوا بڕیاری لەسەر وەرگرتنی پۆستی راهێنەرایەتی مانچێستەر یونایتد دا
توخێل رایەکی جیاوازی هەیە
یاریگا –
تۆماس توخێل، راهێنەری پێشووی بایرن میونشن رەتیکردەوە شوێنی ئێریک تێن هاخ لە مانچێستەر یونایتد بگرێتەوە.
دوای وازهێنانی لە میونشن، چەندین یانە داوای توخێلییان کردووە، دوا یانەش مانچێستەر یونایتد بوو. فابریزیۆ رۆمانۆ، رۆژنامەنووسی دیاری مێرکاتۆی یاریزانان و راهێنەران دووپاتیدەکاتەوە، توخێل گفتوگۆی لەگەڵ سێر جیم راتکڵیف، خاوەنی پشکی کەمینەی مان یونایتد کرد و راهێنەرە ئەڵمانییەکە رەتیکردەوە پۆستی راهێنەرایەتی شەیتانە سوورەکان وەربگرێت.
سەرەڕای بردنەوەی جامی FA، تاوەکو ئێستا داهاتووی تێن هاخ لە ئۆڵدترافۆرد یەکلایینەبووەتەوە، ئەمەش دوای بەڕێکردنی وەرزێکی ناجێگیر لە پرێمەرلیگ و چامپیۆنزلیگ.
🚨🔴 EXCL: Thomas Tuchel NOT planning to take Man United job, he wants to take a break not coaching any club this summer.
Tuchel currently decided not to continue in talks with United after meeting in the recent weeks.
🇳🇱 United, deciding on Erik ten Hag future soon. pic.twitter.com/J0vQWzdICu
— Fabrizio Romano (@FabrizioRomano) June 9, 2024
فابریزیۆ دەڵێت
تۆماس توخێل رەتیکردەوە پۆستی راهێنەرایەتی مان یونایتد وەربگرێت، دەیەوێت لە هاوینی داهاتوودا پشوو بدات. توخێل دوای دەستپێکردنی گفتوگۆکان لەگەڵ بەرپرسانی مان یونایتد، کۆتایی بە گفتوگۆکان هێنا.
پێشبینی دەکرێث لە کۆتایی ئەم هەفتەیە مان یونایتد بڕیاری کۆتایی لەسەر تێن هاخ بدات. راهێنەرە هۆڵەندییەکە لە دوا لێدوانیدا وەڵامی دەنگۆکانی دایەوە و دووپاتیکردەوە، ترسی لە دوورخستنەوە نییە.
