یاریگا –
ئێندریک فیلیپێ، ئەستێرەی داهاتووی ریال مەدرید رەتیکردەوە بە پێلێ بەراورد بکرێت.
بەرازیل لە یارییەکی دۆستانەی ئامادەکاری بۆ کۆپا ئەمێریکا 3-2 لە مەکسیکی بردەوە و یارییەکە لە ویلایەتی تێکساس بەڕێوەچوو.
ئێندریک چوار خولەک دوای بەشداریکردنی گۆڵی بردنەوەی بۆ بەرازیل کرد.
لەدوای یارییەکە رۆژنامەنووسان دەورەیان لە ئێندریکدا و لە وەڵامی پرسیارێکی بەراوردکاری لەگەڵ پێلێدا گوتی
ئێوە شێتن، گرنگی بەم قسانە نادەم. هەوڵدەدەن بمخەنە نێو بەراوردکاری لەگەڵ پێلێ، ئەم بەراوردکارییانە زۆر بێمانان. هەر یاریزانە و شێوازی تایبەتی خۆی هەیە. هەرگیز گرنگی بە بەراوردکارییەکان نادەم.
Fala forte de Endrick após decidir a vitória do Brasil sobre o México e igualar marca que só Pelé tinha pela seleção (3 gols em 3 jogos seguidos antes dos 18 anos). Atacante não quer saber de comparações: “Vocês são todos malucos. Isso é feio. Cada jogador tem sua história” pic.twitter.com/0gaEohuYSd
— Pedro Ivo Almeida (@pedroivoalmeida) June 9, 2024
NÃO GOSTOU! 🤯
Endrick rebateu jornalista sobre comparação com o Pelé. #brasil #selecaobrasileira #futebol #endrick #vinijr #pelé pic.twitter.com/DhlBgDoTpR
— BTB SPORTS (@BTBSPORTSOFICI) June 9, 2024
ئێندریک وەڵامی ئەو رەخنانەی دایەوە کە باسیان لە نادروستی شوێنی یاریکردنی دەدەن، گوایە یاریزانێکی کورتە و وەک سەرەڕم یاری دەکات
دەڵێن باڵات کورتە و نابێ وەک هێرشبەری ژمارە 9 یاری بکەیت، بەڵام ئەمە بە باڵاوە پەیوەست نییە. بەڵکو بە چۆنیەتی وەستان و یاریکردنت پەیوەستە. تۆمارکردنی گۆڵ هەستێکی زۆر خۆشم پێدەدات، بەڵام ئەمە بەهۆی هاوڕێیانمەوەیە.
لە یارییەکی دیکەی دۆستانەدا، بەرازیل رووبەڕووی هەڵبژاردەی ویلایەتە یەکگرتووەکانی ئەمریکا دەبێتەوە و دواتر ئامادەکارییەکان بۆ کۆپا ئەمێریکا چڕدەکاتەوە.
بەرازیل لە کۆمەڵەی چوارەمی کۆپا ئەمێریکایە و بەرامبەر هەڵبژاردەکانی کۆڵۆمبیا، پاڕاگوای و کۆستاریکا یاری دەکات.
ئێندریک لە سەرەتای ساڵی رابردوو گرێبەستی لەگەڵ ریال مەدرید واژۆکردووە و لە سەرەتای وەرزی داهاتوودا، پەیوەندی بە لۆس بلانکۆس دەکات.
