یاریگا –
سیمیۆنی ئینزاگی گرێبەستەکەی لەگەڵ یانەی ئینتەر میلان نوێدەکاتەوە.
رۆژنامەی لاگازێتا دیلۆ سپۆرت بڵاویکردووەتەوە، ئینتەر میلان لەگەڵ سیمیۆنی ئینزاگی گەیشتووەتە رێککەوتن و گرێبەستی راهێنەرە ئیتاڵییەکەی نوێدەکاتەوە.
بەگوێرەی زانیارییەکانی رۆژنامە ئیتاڵییەکە، گرێبەستەکەی ئینزاگی تا هاوینی 2027 نوێدەکرێتەوە، مووچەی ساڵانەی بەرزدەکرێتەوە بۆ 6.5 ملیۆن یۆرۆ.
🔴 Simone Inzaghi 𝗩𝗔 𝗣𝗥𝗢𝗟𝗢𝗡𝗚𝗘𝗥 son contrat avec l’Inter jusqu’en 2027 ! ✍️🇮🇹
Il devrait signer la semaine prochaine avec un salaire de 6,5M€. 💰
🗞 @Gazzetta_it pic.twitter.com/yDoaBrmm8v
— Vibes Foot (@VibesFoot) May 29, 2024
بەپێی هەمان سەرچاوە، هەفتەی داهاتوو سیمیۆنی واژۆ لەسەر پەڕاوی گرێبەستە نوێیەکەی دەکات و یانەکەش بەفەرمی رایدەگەیەنێت.
ئینزاگی لە هاوینی 2021 تا هاوینی 2025 گرێبەستی لەگەڵ ئینتەر واژۆ کرد. لە 158 یاری 104 بردنەوەی لەگەڵ یانەکە بەدەستهێناوە، 28 یاری یەکسانبووە و 26 یاریش دۆڕاوە.
نازناوێکی سێریا ئەی، دوو نازناوی جامی ئیتاڵیا و سێ نازناوی جامی سوپەری ئیتاڵیای لەگەڵ یانەکە بەدەستهێناوە.
