یاریگا –
تیاگۆ مۆتا، سەر لە بەیانی ئەمڕۆ جیابوونەوەی لەگەڵ بۆڵۆنیا پشتڕاستکردەوە.
مۆتا، سەرکردایەتی بۆڵۆنیای بۆ وەرزێکی نائاسایی لە سێریا ئەی کرد، هەرچەندە هێشتا ئەم وەرزەی سێریای ئەی تەواو نەبووە، بەڵام بە گوێرەی میدیاکانی ئیتاڵیا بێت، مۆتا و یوڤێنتوس گەیشتوونەتە رێککەوتن.
فابریزیۆ رۆمانۆ بڵاویکردووەتەوە، مۆتا و یوڤێنتوس رێککەوتوون و تاوەکو ناوەڕاستی ساڵی 2027 لە قەڵاکەی تورین دەمێنێتەوە.
🚨⚪️⚫️ Thiago Motta to Juventus, deal sealed and set to be announced soon — here we go, confirmed!
The manager has informed Bologna of his decision to leave the club after fantastic season, as expected.
Thiago will now sign as new Juventus head coach until June 2027. pic.twitter.com/bKgF099Rz4
— Fabrizio Romano (@FabrizioRomano) May 23, 2024
بۆڵۆنیا لە بەیاننامەیەکدا بڵاویکردووەتەوە، مۆتا گرێبەستەکەی لەگەڵ یانەکە نوێنەکردووەتەوە، بۆیە بڕیاریاندا لەیەکتر جیاببنەوە.
جۆی ساپوتۆ، سەرۆکی بۆڵۆنیا لەبارەی مۆتا دەڵێت
لە ماوەی دوو ساڵی رابردوودا، کارمان لەگەڵ راهێنەرێکی زۆر باشکرد، مۆتا ناسنامەیەکی زۆر باشی بۆ یانەکەمان دروستکرد و توانی بگاتە چامپیۆنزلیگی وەرزی داهاتوو. حەزمان دەکرد مۆتا لە بۆڵۆنیا بەردەوام بووایە، بەڵام ئێستا تەنیا دەتوانم سوپاسی بکەم و هیوای باشترینی بۆ بخوازم.
📄 | Nota del Club ⤵️
— Bologna FC 1909 (@Bolognafc1909) May 23, 2024
تیاگۆ مۆتا راهێنەری لاوی ئیتاڵی لە یۆڤێنتۆس شوێنی ماسیمیلیانۆ ئەلێگری دەگرێتەوە کە دوای ئەوەی جامی ئیتاڵیای بۆ یۆڤێنتۆس بەدەستهێنا لە ئەرکی راهێنەرایەتی یانەکە دوورخرایەوە.
تیاگۆ مۆتا (41 ساڵ) شەش ساڵ لەمەوبەر لە تیپی لاوانی پاریس سانجێرمان دەستی بە کاری راهێنەرایەتی کرد و راهێنەرایەتی یانەکانی جێنەوا و سپێزیا و بۆلۆنیای کردووە، ئەم وەرزە لە سێریا ئەی لە 37 یاری 18 بردنەوەی بەدەستهێناوە و 68 خاڵی کۆکردووەتەوە.
رۆژی هەینی یاریی بەرامبەر جێەوا لە دوایین گەڕی ئەم وەرزەی سێریا ئەی دەبێتە دوایین یاریی تیاگۆ مۆتا لەگەڵ بۆلۆنیا.
