یاریگا –
کلاودیۆ رانیێری بەیەکجاریی وازی لە کاری ڕاهێنەرایەتی هێنا دوای خزمەتکردن لەو بوارە بۆ ماوەی 38 ساڵ.
لە هەواڵێکی بەپەلەدا کە سەرچاوەکەی دی مارزیۆی ڕۆژنامەنووسی ئیتاڵییە، بڵاوی کردەوە کە رانیێری وازی لە تۆپی پێ هێنا وەک راهێنەر.
#SerieA | Claudio #Ranieri lascia il @CagliariCalcio e il calcio @SkySport
— Gianluca Di Marzio (@DiMarzio) May 21, 2024
لەوەتەی بۆ یەکەمین جار لە ساڵی 1986 هاتووەتە بوارەکەوە، رانیێری سەرپەرشتی چەندین یانەی جیاوازی لە خولەکانی ئیتاڵیا، ئینگلتەرا، ئیسپانیا و فەرەنسا کردووە.
دیارترین دەستکەوتی ئەو ڕاهێنەرە 72 ساڵیە بردنەوەی نازناوی پرێمەرلیگ بوو لەگەڵ لیستەر سیتی لە وەرزی 2015-2016.
کۆتا یانەیش سەرپەشتی کردبێتن، کالیاری ئیتاڵی بوو کە هاوینی 2023 پۆستەکەی وەرگرت و سەریخستن بۆ سێریائەی. لەو خولەیش توانی یانەکە بهێڵێتەوە و دانەبەزن بۆ سێریابی.
