یاریگا –
یانەی یوڤێنتوس گەیشتوونەتە گفتوگۆی پێشکەوتوو لەگەڵ بەربژێری نوێ بۆ شوێنەکەی ماسیمیلیانۆ ئالێگری.
دوێنێ یۆڤی ئالێگری لە یانەکە دوورخستەوە بەتایبەت دوای ئەو هەڵسوکەوتانەی لە یاری کۆتایی جامی ئیتاڵیا کە بە سەرکەوتنی خانمە پیرەکە کۆتایی هات بەرانبەر ئەتاڵانتا.
بەگوێرەی زانیارییەکانی فابریزۆ رۆمانۆ، یوڤێنتوس تا ئێستا جگە لە تیاگۆ مۆتا پەیوەندی بە هیچ راهێنەرێکی دیکەوە نەکردووە. مۆتا ئەو ڕاهێنەرەیە کە یۆڤی بۆ پرۆژە نوێیەکەیان دەیانەوێ. پێشتر ئۆفەری سێ وەرزیی تا هاوینی 2027 پێشکەشیکراوە.
⚪️⚫️ Juventus have not made contact with any other manager than Thiago Motta so far.
He’s the manager they want for their new project — three year contract until June 2027 has been already offered.
Work in progress, waiting for his decision. ⤵️ https://t.co/VK9R7vtK6F
— Fabrizio Romano (@FabrizioRomano) May 18, 2024
هەر بە گوێرەی زانیارییەکانی رۆمانۆ، گفتوگۆکان بەردەوامن و یانەکە چاوەڕوانی بڕیاری مۆتا دەکەن.
تیاگۆ کە لە مانگی سێپتەمبەری 2022 پۆستی ڕاهێنەرایەتی بۆڵنیای وەرگرت، لەو ماوە کەمەدا یانەیەکی ئاستبەرزی دروست کردووە و ئەم وەرزەیش پێش کۆتایی هاتنی سێریائەی بە دوو هەفتە، پلەی سێیەمی ریزبەندین و توانی بۆ یەکەمین جار لە مێژوویاندا یانەکە بگەیەنێتە چامپیۆنزلیگ.
