یاریگا –
چابی ئاڵۆنسۆ، راهێنەری یانەی بایەر لیڤەركوزنی ئەڵمانی دووپاتیكردەوە ئامانجیان بردنەوەی نازناوی بۆندسلیگایە بە بێ دۆڕان.
شەوی رابردوو بۆخوم لە یاریگای خۆیدا میوانداری بایەر لیڤەركوزنی كرد و یارییەكەش بە ئەنجامی پێنج گۆڵی بێ وەڵام لە بەرژەوەندی كوڕانی ئاڵۆنسۆ كۆتایی هات، لە میانی یارییەكانی هەفتەی 33ی بۆندسلیگا.
لەم وەرزەدا تا ئێستا لیڤەركوزن تووشی دۆڕاندن نەبووە و تەنیا یەك یاری لە بۆندسلیگا ماوە.
Unsere #Werkself hielt 16 Weiße Westen in 33 Spielen, mehr als jedes andere Team in der Bundesliga in dieser Saison.
👇 Die Zahlen zum Spiel gegen Bochum. 📊🔙 #BOCB04 0:5 | #Bayer04 | @TipWinCompany pic.twitter.com/R3foQoeGPq
— Bayer 04 Leverkusen (@bayer04fussball) May 12, 2024
لە دوایی یارییەكە ئاڵۆنسۆ گوتی:
لە دوایی كارتە سوورەكە یارییەكە تەواو بۆ ئێمە جیاواز بوو.
زۆر رازیم لە ئەنجامەكە، بۆ ئێمە گرنگ بوو، ئێستا ئاماجێكی نایابمان هەیە، بردنەوەی كۆتا یاریی خولەكە و بەدەستهێنانی نازناوی بۆندسلیگا بە بێ دۆڕان، ئەمە پێشتر رووینەداوە.
وەرگرتنی نازناوەكە لە لیڤەركوزن زۆر تایبەت دەبێت و شانازی بە یاریزانەكانمەوە دەكەم.
وا بڕیارە رۆژی شەممەی داهاتوو بایەر لیڤەركوزن لە یاریگای خۆیدا میوانداری ئۆگسبۆرگ بكات، لە میانی كۆتا یاری یانەكە لەم وەرزەی بۆندسلیگادا.
