ریال مەدرید گرێبەستی بەرگریکارێکی نوێ دەکاتەوە
یاریگا –
ریال مەدرید بەنیازە گرێبەستی فێرلاند مێندی، کە کارلۆ ئەنچیلۆتی بە باشترین بەرگریکاری چەپی جیهانی دەزانێت، نوێ بکاتەوە.
رۆژنامەی مارکای ئیسپانیلە راپۆرتێکیدا دەڵێت، ریال مەدرید دەیەوێت گرێبەستی فێرلاند مێندی بۆ ماوەی چەند وەرزیتر درێژ بکاتەوە کە بڕیار بوو لە هاوین دا دەستبەرداری ببن و بە یانەیەکیتری بفرۆشن.
مێندی لە ساڵی 2019 لە لیۆنەوە وەک جێگرەوەی مارسێلۆ پەیوەندی بە یانە مەدریدیەکەوە کرد. لەڕاستیدا ئەو بەرگریکارە فەرەنسییە شوێنی ئەستێرە بەڕازیلییەکەی بە خێرایی پڕ کردەوە و توانی پێگەی خۆی لە پێکهاتەی سەرەکیدا جێگیر بکات. مێندی کە سێ نازناوی لالیگا و یەک چامپیۆنزلیگی لەگەڵ ریال بەدەست هێناوە، هێشتا یەک ساڵی دیکەی لە گرێبەستەکەی ماوە، بەڵام ریال دەیەوێت گرێبەستێکی نوێی پێشکەش بکات.
Ferland Mendy a réussi à inverser la tendance !
Initialement, le Real Madrid voulait le vendre. Désormais, il est considéré comme intouchable. @marca pic.twitter.com/8231RUFqsV
— France RMCF (@FranceRMCF) May 5, 2024
بەو پێیەی مێندی لەگەڵ چەندین پێکاندا کێشەی هەبووە، وا بیردەکرایەوە کە لەم هاوینەدا دەفرۆشرێت، بەڵام ئاستە نایابەکانی و بەردەوامبوونی لەم وەرزەدا ئەو دەنگۆیانە بە دوور دەخاتەوە.
رۆژنامەی مارکا نوسیویەتی ئەگەر مێندی گرێبەستەکەی درێژبکرێتەوە، ئەوا گواستنەوەی ئەلفۆنسۆ دەیڤز لە بایرن بە دوا دەخرێت، چونکە سیاسەتی یانەکە ئەوە نییە گرێبەست لەگەڵ دوو یاریزانی سەرەکەی بکەن لە یەک پۆستدا. بە تایبەت کە فران گارسیاش ئەمساڵ ئاستێکی باشی هەبووە و بەڵێنی رۆژانی باشتری داوە. بەم شێوەیە مێندی و گارسیا لە وەرزی داهاتووشدا بەرگریکاری چەپی ریال دەبن.
