یاریگا –
ئاردا گولەر باس لە ساتەکان و وردەکارییەکانی پشت پەردە دەکات لە سەروبەندی گواستنەوەی بۆ ریزەکانی ریاڵ مەدرید و کۆمەڵێ نهێنیش دەدرکێنێت.
لە چاوپێکەوتنی پێش یارییەکەی سبەی شەویان بەرانبەر بایەرن میونخ، گولەر چەند پرسیارێکی ئاراستە کرا، لە نێویاندا ڕێککەوتنی نێوان فەنەرباهچە و ریاڵ لەسەر نرخی گواستنەوەکەی بەوەی لایەنی تورکی دەیتوانی زیاتری دەستکەوێت لە فرۆشتنی گولەر. لاوەکە وتی
هەر یانەیەک توانیبا 17.5 ملیۆن یۆرۆ بڕی هەڵوەشاندنەوەی گرێبەستەکەمی بدایە، دەیتوانی من بکڕێت. پێکەوە لەگەڵ خانەوادەکەم داوامان لە ریاڵ مەدرید کرد پارەی زیاتر بدات بە فەنەرباهچە. ئەوانیش بە ڕێزەوە قایل بوون.
یاریزانە تەمەن 19 ساڵانەکە کە تا پێش یەکلاکردنەوەی گواستنەوەی بۆ سانتیاگۆ بێرنابیۆ جەنگی گەورەکانی لەسەر بوو بەتایبەت بارسێلۆنای رکابەری ریاڵ، باس لە هەوڵە کەسییەکانی کارلۆ ئەنچلۆتی دەکات لە ڕازیکردنی بۆ ڕووکردنە قەڵای سپی و وتی
کارلۆ ئەنچلۆتی هاوینی ڕابردو سێ جار پەیوەندی پێوەکردم. تەنانەت داوای لێکردم بەڵێنی پێ بدەم کە پەیوەندی بە ریاڵ مەدریدەوە بکەم.
هاوینی رابردوو ریال مەدرید یاریزانە لاوەکەی لە چنگی بارسێلۆنا رفاند و بەرامبەر 20 ملیۆن یۆرۆ لە فەنەرباهچەی تورکییەوە بردییە ریزەکانی. هەفتەی رابردوو بەرانبەر ریاڵ سۆسیداد یەکەم یاری وەک سەرەکی ئەنجام دا لە لالیگا و توانی گۆڵ بکات و وەک باشترین یاریزانی یاریەکەیش دەستنیشانکرا. تا پێش ئەو یارییە، لەکۆی حەفت یاری لە سەرجەم پاڵەوانێتییەکان تەنیا 98 خولەک یاریی کربوو.
🟡🔵🇹🇷 Arda Güler: "We requested Real Madrid to pay a little more than €17.5 clause to Fenerbahçe. They kindly agreed".
"I could have stayed at Fenerbahçe for one more year, but I wanted to show the world what a Turkish young man from Fenerbahçe could do in Europe". pic.twitter.com/NlSzKWr3g4
— Fabrizio Romano (@FabrizioRomano) April 29, 2024
🗣️ Arda Guler: "Carlo Ancelotti called me 3 times last summer, he even asked me to promise him that I'll join Real Madrid." pic.twitter.com/rNeqqiIJq1
— Madrid Zone (@theMadridZone) April 29, 2024
