یاریگا –
لۆپیتیخی لە وەرگرتنی ئەرکی راهێنەرایەتی ئەیسی میلان نزیکبووەتەوە و شوێنی ستیفانۆ پیۆلی دەگرێتەوە.
ماتیۆ مۆریتۆ رۆژنامەنووسی ئیتاڵی کە لە رادیۆی ریلیڤۆی ئیسپانی کار دەکات، ئاشکرایکردووە جولیان لۆپیتیخی راهێنەری ئیسپانی نزیکە ببێتە راهێنەری ئەیسی میلانی ئیتاڵی، لە دوایین گفتوگۆی نێوان هەردوولا بەرەوپێشچوونی باش روویداوە.
Il Milan punta su Julen Lopetegui per il dopo Stefano Pioli.
Gli ultimi contatti tra le parti sono stati molto positivi. L’allenatore spagnolo genera consenso unanime all’interno del board rossonero, mettendo d’accordo sia Cardinale e Ibrahimović sia l’area tecnica.
Lopetegui… pic.twitter.com/04EzbETXsk
— Matteo Moretto (@MatteMoretto) April 27, 2024
رۆژنامەنووسە ئیتاڵییەکە ئاشکرایکردووە، لۆپیتیخی ئامدەیی دەبڕیوە ببێتە راهێنەری ئەیسی میلان و بڕیاریداوە ئەگەر لەگەڵ رۆسۆنێری بگاتە رێککەوتن، ئۆفەری وێستهام یونایتد رەتبکاتەوە کە یانە ئینگلیزییەکە دەیەوێت راهێنەرە ئیسپانییەکە بباتە یانەکەی.
لۆپیتیخی کە پێشتر راهێنەرایەتی یانەکانی ریال مەدرید و سێڤییا و پۆرتۆ و هەڵبژاردەی ئیسپانی کردووە، وەرزی رابردوو راهێنەری وۆلڤەرهامتنی ئینگلیزی بوو، دەبێتە شوێنگرەوەی ستیفانۆ پیۆلی کە کۆتایی ئەم وەرزە واز لە راهێنەرایەتی میلان دەهێنێت.
بەدەستهێنانی نازناوی یۆرۆپالیگی 2019/2020 و پلەی دووەمی جامی سوپەری ئەوروپای 2018 لەگەڵ ریال مەدرید لە دیارترین دەستکەوتەکانی ئەو راهێنەرە ئیسپانییەن.
